विविध-विधा

जिन्दगी के हो जिएर हेर
मदिरा त्यो रसको पिएर हेर ।
मधुमासको माहौल पाउने छौ
मन यो कसैलाई दिएर हेर ।।

मुसाको हुकुमतमा कुकुर,बिरालो लडाईंयो !!
बुझ बुद्धको देशमा आगो यसरी लगाईयो !!

दाईले तरबार उठाउदा भाईको शिर उड्यो ,
आमा अघी लाखौं छोराको बली चढाईयो !!

बीरका छोरा सबै देशको लागि मरिमेट्त्ने ,,
कोही शहिद् भए कसैलाई सडकमै सडाईयो!

काख रित्तियो आमाको ऋणी भयो माटो ,,
बलिदानको स्वतन्त्रतालाई डाडो कटाईयो !!

उत्तर दक्षिण छिमेकिले आगोमा घ्यु थपे ,
शान्ती सगै बुद्द बुदत्व पनि उतै पठाईयो !!

ठुलै तनाब हुदैछ शहरमा
साच्चै चुनाब हुदैछ शहरमा?

सबै त पिडित मात्रै देख्छु
कस्लाई लाभ हुदैछ शहरमा?

गजल

भ्रस्ट चारी घुस्खोरिको मुटु तान्न आउँदैछु
देश द्रोही नेतालाई गोली हान्न आउँदैछु

बिदेशीको गुलामी भै झुट्टो बोल्ने नेता तिम्रो
जिब्रो झिकी तताएको तेल्मा झान्न आउँदैछु

कालापानी दशगजा टनक्पुर समेटेर
बिकासको ढोका खोल्ने नेता छान्न आउँदैछु

बिजुलि र बाटो पुल बनाउने बाहानामा
कती गारौ भ्रस्टचार सबै जान्न आउँदैछु

शाहीदकी आमा सधैं साथ दिन तिमीलाई
यो “प्रेमले” दिलै बाट आमा मान्न आउँदैछु

प्रेम प्रसाद भट्टराई
खोटाङ
हाल दोहा कतार

कसरी ब्यक्त गरौँ ? यहाँ अत्याचार भएको छ
कसैको स्वच्छ भावनामा बलात्कार भएको छ

विकृति र विसंगति, बढेका छन् दिन दिनै
पवित्र विचारधारा पनि, निराधार भएको छ

चर्को घाममा दिनहू, हिड्न मुस्किल छ
प्रकृतिसँग जो-कोही, भिड्न मुस्किल छ
आखिर कसले बुझ्छ, मनको मर्मलाई यहाँ
साथ खोज्न छट्पटाउदै, उड्न मुस्किल छ

घुमें खुँब रमाएर, तिम्रो शहरमा
तिम्रो हात समाएर तिम्रो शहरमा

चिनाएँ सबैलाई म तिम्रो हो भन्दै
ठुलो धाक जमाएर तिम्रो शहरमा
तिम्रो हात समाएर तिम्रो शहरमा

हाँसेकै छु तिम्रो कुरा मन्जुरि त छैन
बस्नै पर्ने तिमि सँग जरुरि त छैन

खोजि रहेँ चारै तिर दौडाएर आँखा
फोहोर को थुप्रो भित्र कस्तुरि त छैन?

तोया नाथ पौडेल
सँखुवासभा – तामाफोक
हाल- मरुभुमि को छाति बाट

यो मन दुख्ने कुरा गर्छौ तिमी
यताभन्दा उता सर्छौ तिमी

जहिले नि आज भन्दै भोलि
वाचा पुरा कैले गर्छौ तिमी

हान र थाप
चुनाब सरगर्मी
गालीको बर्षा

कसले शोच्यो
कर्णालीको समस्या
गफमा मख्ख

गास छ बास छ अनि अल्ली कपास छ,
एक्लै छु म यहाँ तर केही खास छ ।
न त मैले माँगे न त दियो कसैले,
तैपनि पाए मैले, मेरो छुट्टै ईतिहास छ

बाल बच्चा देश छोडी खोज्न आएँ चारो परदेशमा
जहाँ बग्छ त्यही सुक्छ पसिनाको धारो परदेशमा

आफ्नै खेत बारी जोत्दा अन्न झुल्दै फल्थ्यो मानामुरी,
धन फल्ने रुख छैन सुक्का जोड्न गाह्रो परदेशमा

दियौ चोट धेरै दुखायौ तिमीले
सबै तथ्य छोपी लुकायौ तिमीले

कयौँ जाल बुन्दै उदायौ धरामा
छकाए र साह्रै घुमायौ तिमीले

१)
उड्दा उड्दै सिकारीको पर्यो निशानीमा
भाग्य अब त्यो चरीको सर्यो निशानीमा
कल्पना हो भविष्यलाई देख्न सकिदैन
ठ्याक्कै लाग्यो रक्तामम्य भै झर्यो निशानीमा

साउने हात मेहेन्दीले सजाउदै होली !
हरियो चुरा हातभरि बजाउदै होली !
यसपाली नि मेरै लागि व्रत बसेर
शिवजी को मन्दिरमा लजाउदै होली !

..अरुण पौडेल ..
गुञ्जनगर -४ चितवन
हाल जापान

१)
आज ऊ मेरो घरमा आएकी थिई
मस्त बहार बनेर छाएकी थिई
तितो, पिरो, अमिलो सबै भुलाई
गुलियो रसबरी प्रीत लाएकी थिई