विविध-विधा

कसैले यो मन खारेर गयो
मुटु मेरो मारेर गयो

निष्ठुरिले दिल खराउदा
जीवन मेरो तारेर गयो

सुन्दैछु म, आज यो देशको चिरहरण हुदैछ।
पहरेदारबाट नै निहत्था देशको मरण हुदैछ।
लोभमा नझुक्ने अमरसिंह मुर्ख भएछन अब,
कातर संतानबाट प्रभुपदमा त्वं शरण हुदैछ।

मुसुक्क हाँसिदिदा हुन्छ प्यार
मेरो कोमल मुटुको हुन्छ शिकार

डर लाग्छ पराई हैन आफन्तको
सानो सियो पनि हुन्छ तरबार

१.
काली खोलो किन उर्ल्यो सेती नभेटेर
आँखा मेरो किन फुर्यो माया नदेखेर
सराङ्कोट्को डाँडा चढी मन हेर्छ कतै
दुवै मुटु गाँठो पारी स्वास नफेरेर

तिम्रो आत्मीयतामा संसार देखिरहेछु
कहिले काहि बैशको बिहार देखिरहेछु

दिउला फूलै फुलको मौसम तिमीलाई
याममा मखमली तिहार देखिरहेछु

नयाँ वर्षको नौलो उमंगसँगै सुनौलो कामना गरौं
आराजकतालाई बिस्तारतासँग नौलो सामना गरौं

निस्पट्ट अन्धकारमा पनि दियालोको सानो लोहले
प्रकाश छर्न पर्याप्त हुन्छ त्यसको रमाइलो चाहना गरौं

गुरुभन्दा चेला धेरै भए
काम गर्ने छैनन् गोष्ठी र भेला धेरै भए
नायकको अभाव थियो यहाँ
तर खलनायकहरूको प्रदर्शनबीच
व्यर्थ राजनीतिका खेला धेरै भए ।

उज्यालोमै जिल्ल परे परून सारा देख्नेहरू
आऊ यस्तो गरौं माया ढलुन सारा देख्नेहरू

हातमाथि हात राखौ ओठमाथि ओठ हुन्छ,
डाहा गरुन भित्र-भित्रै जलुन सारा देख्नेहरू

जनतालाई यहाँ, आफ्नो देशको छ चिन्ता,
नेतृत्वलाई यहाँ, घ्याम्पे भूडीको छ चिन्ता,

लखेट्दै मार्दैछन्, सिंहले निरिह प्राणीलाई,
बकुलोलाई यहाँ, गुड्ने कुर्सीको छ चिन्ता,

यो वर्षको अन्तिम चटारो लिएर आएको छु
सबैलाई सम्झिदै मनको पटारो लिएर आएको छु

कसरि बित्यो वर्षभरिको यो सेरोफेरो
हिसाब किताब गर्दै अन्तिम कटारो लिएर आएको छु

दुखाउँछ मान्छेलाई सानो कुराले पनि
यसै भन्नुहुन्थ्यो मलाई, हाम्रा बाले पनि

व्युझन्छु प्रत्येक रातहरूमा ऐठन परेर
सुत्नै दिदैन मान्छेलाई, सपनाले पनि

गरिबको पिठ्यूँमा भारी छ अँझै
वर्गसङ्घर्ष देशमा जारी छ अँझै

लोकतन्त्र अनि गणतन्त्र आएपनि
घुसखोरीदेखि अत्याचारी छ अँझै

जनता वाक्क दिक्क भए नेताको पाटा हेरेर
हामि हरू लाइ भुलाउन खनेका बाटा हेरेर

कस्ता बदनसिब रहेछन नेपालि नागरिकहरू
दिनको दिन रमिता देखाउदै हिडेको छाटा हेरेर

देशलाई संकट पर्दा सबै समेटिनु पर्छ।
पार्टीका संकिर्ण रेखा पनि मेटिनु पर्छ।
हाम्रो पुर्खाको रगतको नाम हो नेपाल,
यो देश भित्र केवल नेपाली भेटिनु पर्छ।

माछा बस्ने पोखरीमा विष घोलेरै गयौ,
मेरो एक मुट्ठी बाँकी साँस थुनेरै गयौ,

सुन र चाँदी दिन सकिन, म तिम्रै थिएँ नि,
सारा दोष र लाञ्छना म माथि थुपारेरै गयौ,

तिम्रो तस्विर तिम्रो याद आशुसँगै बगाई
तिमी आउने सपनीको बाटोनि छुन्न अब

मैले पनि अतित तिमीले जस्तै भूलिदिन्छु
तिम्रो झल्को दिने कुरा छाडिदिए सुन्न अब

मायामा एक दिन हुन्छ लफडा
गधाजस्तो फेरि जीवन रगडा

तेरो मेरो भन्दै हुन्छ लुछातानी
माया प्रेम परै अहकार तगडा

१
दबेकी सेती
काली भेट्न निस्केकी
पोखरा दङ्ग ।

२
शिकारी बाज
पृथ्वी च्यापेर उड्छ
पूँजीवादमा ।