विविध-विधा

मुटुभित्र आधी हुरी चले झैं भको छ
उकुसमुकुस हृदय यो जले झैं भको छ

हिजोसम्म चल्दा चल्दै न थाक्ने पाउहरू
न जाने किन अब गले झैं भको छ

चादनी झैं सितल यो हृदयमा भित्र
धिपी धिपी आगो बले झैं भको छ

बिर्सिदियौ तिमीले आज जुन पाएपछि
चाँदीको मतलव छैन आज सुन पाएपछि

रुप रंग अनि श्रृंगार सजाएको देखेर ।
तिम्रो पहिचान अनि लजाएको देखेर ।।
आजभोलि म यहाँ सधै एक्लै बसेको छु ।
कसैको रिसवी चल्छ बाजा बजाएको देखेर ।।
अभागिकालिकोटे

मेरो माया मनमा राखि ठहर भएपछी ।
मैले पिऊने पानि मुहान जहर भएपछी ।।
कसैको माया होला म बसेको त्यो दीनमा ।
गजल लेख्न मन लाग्यो रहर भएपछी ।।
अभागि कालिकोटे

नसम्झे मलाई विरानु धन लिएर आऊने छु ।
पराईको अर्थ छैन मन लिएर आऊने छु ।।
झस्कीएर बसेको छु यहाँ तड्पीएर भुमिमा ।
छातिमा भाला ठोक्ने घन लिएर आऊने छु ।।
अभागि कालिकोटे

बिगार्न लागे, देश हाम्रो
उधार्न लागे, देश हाम्रो

अतीव स्वार्थी, देख्छु नेता
डकार्न लागे, देश हाम्रो

न साह्रो न त गिलो नै भाछु अचेल
सबैले निचोर्ने पिलो भाछु अचेल

चारैतिर निष्पट्ट अन्धकारको विचमा
लत्पतिदै मुछिएको हिलो भाछु अचेल

घाईते मुटु लिएर भाग्दा भाग्दै आजसम्म
जिन्दगीको उकालीमा ढिलो भाछु अचेल

संघर्षमा मेरो कहिल्यै जित नभएर
दुखः छ आफ्नो कोही मित नभएर
चकित छु म यिनका रुप देखी यहाँ
कोही कसैसँग सम्बन्धित नभएर ।

१)
दुष्ट छिमेकी
गोमन सर्प जस्तै
विषालु हुन्छ

भन्छिन लिलाम गर्छु राम्रो भाउ मिल्यो भने
मासिक आए राम्रै हुन्छ दाउ मिल्यो भने

व्यापार निकै फस्टाएको छ अचेल उन्को
ग्राहक थप्छु भन्थिन् नयाँ ठाउँ मिल्यो भने

कामै कामले फुर्सद हुदैन कुनै बेला पर्देशमा।
कमाइ हुदैन र हुन्छ झन झमेला पर्देशमा।।

मरुभुमी मा पत्थर अनी गीट्टी रोडनु पर्छ,
हात्केला भरी उठछन हजुर ठेला पर्देशमा।।
–
मटु जल्छ हासे खेलेका असीम यादहरुले,
साथीहरु संग हुन पाइदैन भेला पर्देशमा।।

स्वदेशमै कर्म गर्थे अवसरहरुको कमी भयो,
नियतीले बन्न कबुलायो चेला पर्देशमा।।

मिर्मीरेको साइरनले रहन्छन सपना अधुरा,
मुख धुन पनी हुन्छ हजुर अबेला पर्देशमा।।

मरी मरी दिनरात काममा खटीइदा पनी
गाली गर्छन सहनु पर्झ  हेला पर्देशमा।।

रात ढल्छ गाँउ फर्कीने दिन हरु गन्दै,
घरमा सोच्छन ,गरीरहेछ खेला पर्देशमा!!

लचिलता दर्साएर कदम चाल्ने दाउ दिन्छन।
र बिचमै घात गरी मुटु भरी घाउ दिन्छन।।

भिड छ यहाँ हर कुरा उधार लिनेहरु को,
न फिर्ता ब्याज दिन्छन, न साँउ दिन्छन।।

सम्बन्ध गास्नु पनी जोखीम मोल्नु पर्छ,
न छोडी छुट्कारा दिन्छन न भाउ दिन्छन।।

माया पनी इन्धन चाहीने सवारी जस्तै भो
पोसे बमोजिन” माया” कामचलाउ दिन्छन।।

स्वार्थ को एक्कासी बिकास हुन्छ कसरी?
मुटुमा सजाएर राख्यो शिरमा पाउ दिन्छन।।

सन्दिप आचार्य
नवलपरासी

पहिलो भेट मै मायाका कुरा हुन्छ
मुखमा रामराम बगलीमा छुरा हुन्छ

तिमीमाथि हैकम जमाउनकै लागि,
सुरुवातका सबै मागहरू पुरा हुन्छ

चन्द्र झै मुहार खुलेकी ,छानेर ल्याए।
जान्न जान्न भन्दै थिइ, तानेर ल्याए।।

धनको फुर्ती लगाउने हैस्यत मेरो छैन,
मधुर कुराले मुटुमा प्रहार ,हानेर ल्याए।।

पक्कैपनी कुनै दिन बन्धनमा बाधिनु छ,
आखीरमा ल्याउनु नै थियो, जानेर ल्याए।।

बिश्वासघात अचेल आफन्तले नै गर्छन,
पराए नै भएपनी आफ्नै ठानेर ल्याए।।
सन्दिप आचार्य
नवलपरासी

#गजल_सम्बेग
सम्हालीदैन आँशु धारा अतीत सम्झेर।
लाग्छ,रहेछु कर्महारा अतीत सम्झेर।।

किन मलाइ दुश्मन चुन्यो नियतीले
गर्दैछु  जीवन गुजारा अतीत सम्झेर।।

टुटाएर लडाउन सिपालु  यो दुनीया
पक्षपाती लाग्छ सारा अतीत सम्झेर।।

नटुंगीने रहेछ  सम्झनाका गोरेटाहरु,
बदलीएन जिउने पारा अतीत सम्झेर।।

अरे यो मन पनी कती कमजोर रहेछ,
खोज्छ स्वार्थी कै साहरा अतीत सम्झेर।।

सन्दीप आचार्य
नवलपरासी