विविध-विधा

गाउँ र शहरमा फरक हुँदो रै’छ
प्रवास र घरमा फरक हुँदो रै’छ ।

छाल बनी सयौं किनार चुम्ने गर्छु
ढुँङ्गा र बगरमा फरक हुँदो रै’छ ।

रिसाउँथी छुँदा लजाउँछे अचेल
चाहना र करमा फरक हुँदो रै’छ ।

जबदेखि यो जिन्दगी समयको अधिनमा छ
लाग्दछ पुरै जीवन आकाशबाट जमिनमा छ

म थाकेको मात्र हु, हारेको किमार्थ होइन
ऊफ्! त्यो मलाई फेरि घिसार्न तल्लिनमा छ

माया गर्छु तिमीलाई अति, म त तिम्रैलागि बाँचेको मान्छे,
दुख पीडा मन भित्र लुकाइ, तिम्रै लागि हाँसेको मान्छे ।

कति आए कति गए माया तिमीलाई गर्छु भन्ने,
तर दिल अनि कोमल बैँस तिम्रैलागि साँचेको मान्छे ।

कालो बादल फाटेर सुन्दर बिहानी छायो फेरि ।
हर्ष र उमंगको चाड प्यारो दशै आयो फेरि ।।

सनातन धर्म हाम्रो हाम्रो चाड हाम्रो पर्व मनाउन,
जति टाढा रहेपनी आफ्नै गाउँ फर्की आएँ फेरि ।
हर्ष र उमंगको …….

पराईलाई आफ्नो ठान्नु भूल थियो मेरो
हजारौंमा उस्लाई छान्नु-भुल थियो मेरो

आजाद त्यो पन्छीलाई मैले तेति बेला
माँया रुपि जाल्मा तान्नु-भुल थियो मेरो

१
जुन सरकार आए पनि देश फेरिएन
दुखी गरिब निमुखाको भेष फेरिएन
सर्वहारा वर्गले न त मुक्ति पाए कठै !
चाहनामा लागिरहने ठेस फेरिएन

माया र नाता विश्वासको भरमा अड्न सक्छ
विश्वास नभए रगतकै नाता पनि भस्म भएर डढ्न सक्छ
होसियार मित्रहरु मायामा विश्वास गर्नै पर्छ
विश्वास नगरिए शङ्काको भूत दिमागै भरी चढ्न सक्छ ।

1.फल झार्न लाई,
झटाराे हानेको,
तारा पो झर्यो।

-यथार्थलाई हाइकुमा

मेला, पर्म, लेकबेशी बाह्रै यामहरूमा
आमाको जिन्दगी बित्यो चैते घामहरूमा

यो छोरो परदेशिएको कैयौ वर्ष बित्दा पनि
बाआमाको माया सधैं खोज्छु चिठी खामहरूमा

दुखी दुखी हाँस्नु पर्दैछ
झुकी झुकी बाँच्नु पर्दैछ

भित्र भित्रै बहकिने मनलाई
रोकी रोकी बाँध्नु पर्दैछ

यौटै मात्र आस्थाको लौरी
चुकी चुकी भाँच्नु पर्दैछ

१)
सोचे जस्तो सबैको मन हुने भए
अलग मुटुको एक धडकन हुने भए
किन दुःखी हुनेथें र कहीं कोही
चाहे जस्तो कसीलो बन्धन हुने भए ।

अधिकार माग्ने होइन खोस्न अघि सर नारी
नारा मात्र नघन्काई वास्तविकता छर नारी ।

विश्व हेर नारीले ’नि चन्द्रमामा पाइला टेके
नेपाली पो के कम छौं र संघर्ष गर नारी ।

पुरानै छ पूजा, धुपौरा पुरानै
पुरानै छ भान्सा, कचौरा पुरानै

भयो के र नौलो, प्रजातन्त्रबाट
सधैँ पाक्न थाले, फुलौरा पुरानै

षडयन्त्र देख्छु म तिम्रा हरेक चालहरूमा,
बरु देख्दो हो माछाले आकर्षण जालहरूमा

कोही सत्तामा छ शक्ति भन्दछन् विचारमा कोही,
छैन कलमको जति बन्दुकका नालहरूमा

हारेको छु आफैंसँग, कसैलाई जित्नु छैन
कल्पनामा आकाशको, तारा जून टिप्नु छैन

कोमल यो हृदयमा, मायारुपी विष रोपी
फेरि पनि नयनहरू,आँशुले लिप्नु छैन

तिमी एक्लै यो चियाको बुट्टा नआउनु
काँडा बिझ्ला हेर खाली खुट्टा नआउनु

विश्वास हो आस्था पनि मन्दिर भनेको
कसम खाने हो भने झुट्टा नआउनु

आज नभए भोलिको के अर्थ ?
तुना नभए चोलीको के अर्थ ?

बाजा घन्काउँदै जन्ती आए नि,
दुलही हराइन् डोलीको के अर्थ ?