विविध-विधा

जानी जानी कसैसँग झुटो माया लाउँदिन म
तिम्रोजस्तो पत्थर मुटु अन्त कहीँ पाउँदिन म

यो मुटुमा झिर रोपी हत्या गर्यौ मेरै मनको
त्यसैले त बिर्सिदेऊ फर्किएर आउँदिन म

१)
तिम्रो साथ पाएँ आज हाँस्न मन लाग्यो
रोदी घरतिर गई मलाई नाच्न मन लाग्यो
कहिलेकाही‌ जिन्दगीमा खुसी मिल्दो रैछ
हाँसी खुसी तिमीसँगै बाँच्न मन लाग्यो ।

खहरेको भेल-रहेछ यो जिन्दगी
नौटंकीको खेल-रहेछ यो जिन्दगी

बन्दी त्यो पिंजडाको चरी जस्तै
बाँच्नै पर्ने जेल-रहेछ यो जिन्दगी

सहारा खोज्दा पाए मात्र तिरस्कार
घृणा आँसुको मेल-रहेछ यो जिन्दगी

जो बिर्सन्छ बारबार उही सम्झन लगाउँछ
आउँछु भन्दै बारबार उही दोबाटोमा हराउँछ

फूललाई लत्याछ अनि माया गर्न सिकाउँछ
बनाउने सपना भत्काएर उही पागल गराउँछ

अनास्किछ जो यहाँ उही धाउदै छ मन्दिर
ढुंगाा भन्दै मन्दिरमा उही जोडजोड कराउँछ

१.
थामेर देशको माटो काँधमा बसाउने वीर देऊ
म लाउँछु निसाना बैरीका आँखामा तीर देऊ
खेल्न खोजेमा सहिन्न सत्रुले हाम्रो सीमानामा
नालापानीमा हाम्रो झण्डा फर्फराउने शिर देऊ

१)
मलाई मेरो दिल दिलाएर जाऊ
फाटी सक्यो मन सीलाएर जाऊ
घरी घरी यादहरू आई दिन्छन आऊ
सक्तीन बाँच्न बिष पिलाएर जाऊ ।

उनले जस्तै माया गर्ने यार होस् जिन्दगीमा
उसलाई तिम्ले गरेझैँ प्यार होस् जिन्दगीमा ।

फक्रिएको फूल टिप्ने माली होस् जिन्दगीमा
झर्दा फूल भुइँमा थाप्ने, थाली होस् जिन्दगीमा ।

आखिर अरेका कुरा न हुन्
कुनै बेला लोटा लिएर सहर पसेका थिए
बारै वर्षमा बिडाला भए टाटा भए अरे ।
हाम्रो ता बार वर्ष हतियार लिएर जङ्गल पसेर पनि
बीचराहरू सारै घाटा गए अरे ।

हिजैदेखि अरु कोहीलाई पर्खिएर गइन् उनी
बोल्न खोजेँ आँखा तरी झकिएर गइन् उनी

फूल लिई बसेँ म उनी आउने बाटो कुरी,
बदलामा ढुंगा माटो छर्किएर गइन उनी

फुलेको फूल
अहंकार जिन्दगी
हँसिलो चन्द्र !

२)
चंचल मन
आकाशमाथि हावा
पानीको फोका !

१)
आफ्नो मनलाई रोक्न सकिन
तिमीबाहेक कोही रोज्न सकिन
सबै छोडी कतै टाढा जान खोजे
तर तिम्रो वियोग भोग्न सकिन ।

गजल

मन, जलेर खरानी भो ।
तन, जलेर खरानी भो ।।

रक्षक भक्षक एउटै भएपछि
वन, जलेर खरानी भो ।।

कहाँ लगाउने थाह नपाउनेको
धन, जलेर खरानी भो ।।

पुज्य घण्टा बनाउने हातको
घन, जलेर खरानी भो ।।
— खजुराखुर्द १, बाँके, नेपालगन्ज

म को ? मेरो को ?
खोज्दै छु युगौं देखि
जटिल प्रश्न ?

उदेश्य के हो ?
बाँच्नु मेरो यहाँ
लक्ष्य हिन म !

लिनु छ प्रेम
यहाँ दिनु छ प्रेम
उदेश्य एक !

गजल

आजभन्दा वितेको कहानी राम्रो ।
तिमीभन्दा भरिलो जवानी राम्रो ।।

सुन्दरतामा घमण्ड गर्नै बेकार छ
जीउ डालभन्दा लजाउने बानी राम्रो ।।

फूल दिऊँ त सुक्छ फ्याँकिन्छ पनि
फूलभन्दा मायाको निशानी राम्रो । ।

खहरे सब उस्तै उर्लन्छन् सक्छन्,
खहरेभन्दा झरनाको पानी राम्रो ।।

– खजुराखुर्द १ बाँके, नेपालगन्ज

साँचो प्रेम गर्ने, सहर टाढिएछ
लाग्यो जिन्दगीकै, रहर टाढिएछ

निन्द्रा छैन राती, विरह झाङ्गिनाले
हाँसो वा खुसीको, पहर टाढिएछ

१)
जलेर मन
ब्रह्माण्ड बिर्सिएको
अँध्यारो रात

२)
बग्ने पानीमा
बिषालु सर्पहरू
लोड सेडिंग

जति फूर्ती छाँटे पनि मर्नै पर्छ एक दिन त
सुन्दर् फूल फुले पनि झर्नै पर्छ एक दिन त

ठूलो सानो भन्ने भेद छुट्टाउने नै कसरी खै
मरेपछि चितामाथि पर्नै पर्छ एक दिन त