मुक्तक

जून बनी आउदिँन म, रातमा नखोज्नु !
शीत भई छाउदिँन म, पातमा नखोज्नु !!
मेरो आत्मा जलाएर, खरानी पार्यौ जब,
केही छैन बाँकी मसानघाटमा नखोज्नु !!!

©यल्जी विवश/अप्रिल-१५
२०१६

मलाई हाथ देउ बाचुन्जेल
छोर्डिन म
तिमी बाहेक अन्त मन
मोर्डिन म

हजारौं मा एक म जस्तो
पाउने छैउ
बाचुन्जेल सम्म यो नाता
तोर्डिन म

दिपक घर्ति मगर
(दाङ)
हाल:- ईन्डिया

मुक्तक १ – तिम्रो याद

तिम्रै याद कति मीठो सपनीमा सोचिरहे
उठी हेरें फोटो तिम्रो विपनीमा सोचिरहें
चौतारीको छाहारिमा मन भाव खोलेको त्यो
बाल रवि दर्शन गदै आगनीमा सोचिरहें

१)
तिमी नभए नि जसो तसो, चलेकै छ
बाहिरी हाँसे नि भित्री मन, जलेकै छ
अरुहरूसँग नजिक हुन नसके नि मैले,
तिम्रो लागि भने यो दिल, गलेकै छ

एक

मनभित्रको चाहना फोरुँ फोरुँ लाग्छ
त्यो नयनको गाजल चोरुँ चोरुँ लाग्छ
लाग्छ धेरै – धेरै रहर अचेल मलाई यो
तस्विर तिम्रो मुटूमा कोरुँ कोरुँ लाग्छ

बुझ्ने कुरा अलग जस्तो छ
मन कोमल नौनी जस्तो छ
चाहना मनमा सजाउने होस्
दुई शरीर एक हुन्छ जस्तो छ ।

१)
जिन्दगीमा कोही, खास नहुँदा
बस्ने कही आफ्नो, बास नहुँदा
बाँच्नै मुस्किल भइरहेकोछ यहाँ,
अँझै उसको याद, विनास नहुँदा ।

१)
यति धेरै माया तिम्रो लाग्छ होला किन ?
अँझै यो मन, माया माग्छ होला किन ?
छुट्टिएसि गाह्रो हुने, भेट्टिएसि झगडा
तर पनि तिमीलाई नै डाक्छ होला किन ?

यो सरकार

यो सरकारलाई कसैले ढाल्दैन आफै ढल्छ
अर्को सरकार बनेपछि लैकामा फर्सी फल्छ
सुशासनमा सरकार अति कटीवद्ध छ हजुर
त्यसैले देशमा कालो बजारी खुलेयाम चल्छ ।

एक
धेरै अभाव सहियो यताको न उताको भइयो
कत्ती देशमा गइयो यताको न उताको भइयो
प्रगतिको शिखर चढे बरू देशमा बस्नेहरूले
जहाँको त्यहिरहियो यताको न उताको भइयो

दुई
मान्छेहरू यहाँ रत्तिरागका पछि हुन्छन्
दानी भनाउदा पनि भागका पछि हुन्छन्
आफूलाई पर्दा भित्रै राख्नु जून किनकि
सुन्दरताभन्दा धेरै दागका पछि हुन्छन्

१.
हिमालमा हिउँ फुल्दा सुवास लिन्छ तराई
पहाडमा पैरो जाँदा निवास दिन्छ तराई ।
अराजक नीतिभित्र विकास भज्ने हो भने
सक्दिनँ म भन्न फेरि कहाँ पुग्छ तराई ।

न पाइप गयो न त ग्यास गयो
न जल्यो चुलो न त सास गयो
जब हान्दै तुक्का लाज पचाइ
फर्के घरमा तब बिस्वास गयो
__ __ __ __ __ __ __ __
पुग्दै न पुग्ने पनि बोली हुन्छ???
चरा नमार्ने पनि गोलि हुन्छ???
उनी भन्छन म छु के चिन्ता गर्छौ??
आज रात कुर सब भोलि हुन्छ।।।

हिमाल जस्तै हाँस्ने भए हिउँको चिसो थाम्नु पर्छ
चिसो थाम्दै हिउँ बोकेर उल्टै क्षितिज डाम्नु पर्छ
चिसो थाम्दै क्षितिज डाम्दा ख्याल गर्नु पर्ने कुरा
दुनियाँलाई हँसाई राख्न आफ्नै नाडी छाम्नु पर्छ

चाँगे:५ नेसुम, ताप्लेजुङ
हाल: सिंगापुर

कहिले पुरै देखिएर हिड्नुपर्छ जून जस्तै
कहिले पुरै छेकिएर हिड्नुपर्छ जून जस्तै
सँधै – सँधै जिन्दगीको बाटो उस्तै हुन्न र त
कहिले पुरै मेटिएर हिड्नुपर्छ जून जस्तै