विविध-विधा

छरेर ढुङ्गामा बिउ, फलाउने आश नगर
मारेर बोटहरू सबै, पलाउने आश नगर

जानिसके समयले, नियति त्यो तिम्रो
जलेको मुटुलाई फेरि, जलाउने आश नगर

रोइरा’छ पहाडसँग ढुंगाले मन दुखाएर
लग्यौ किन त्यत्रो जीवन पहिरोमा बगाएर

नदीको त्यो किनार नै भागिराछ तर्किएर
गयो पच्छ्याउँदै बाढी घर गाउँ डुबाएर

दौडमा खुट्टा दगुर्दछ माला घाँटी थाप्द्छ
हात नङ्ग्रा खियाउँछ स्वाद जीव्रो चाख्द्छ
दुनियाँको रीत नै बिरोधाभास रहेको छ
आन्दोलन जनता गर्दछ उपलब्धि नेतालाई फाप्द्छ

पानीबिना नै ताल भो जिन्दगी
यसरी नै बेहाल भो जिन्दगी

मनायौ होला खुशीको उत्सव
मन फुटेको साल भो जिन्दगी

उठाएथे जीवन आस्थासम्म
स्नेह दाउको खाल भो जिन्दगी

जताततै गजलमा यो मन झुल्दैछ
एकपछि अर्को गर्दै आन्दोलित भै उठ्दैछ

कलम त्यो जुरमुरायो मोतीको त्यो सम्झनामा
रोपी गएको अँकुर लटरम्म याँ फूल्दैछ

बुबामाथि दुखपीडा बिसाई दिए भैगो
सानै कुरा भए पनि रिसाई दिए भैगो
गाली गरे रोई दियो चक्चक कति कति
ढिडोमाथि ढुङ्गा माटो मिसाई दिए भैगो

बृद्ध बाबु आमालाई आश्रम पठाएर
धर्म कमाउदै छ छोरो मन्दिर बनाएर

मान्छेहरू सितलताको अभिप्रायले आज
शिरमा हिउँ छ, पाउमा आगो सल्काएर

कस्तो मेरो भाग्य भन्दै फर्किएर गयो उता
भयो अब नबोलाऊ झर्किएर गयो उता

डराउँछ उभिन नि जून टिप्छु भन्छ फेरि
पोल्यो अरे शीतले अनि तर्किएर गयो उता

जाल गरियो झेल गरियो सरकारबाट
पटकपटक रुप बदलियो सरकारबाट

नियम बाँधियो शान्ति र संविधानको
फेरि त्यही नियम कुल्चियो सरकारबाट

चाड पर्व नजिकिंदा, आँसु आउँछ परदेशीको
आँगनीमा पीडा मात्रै, सल्बलाउँछ परदेशीको

जताततै घाउ लाग्यो, वियोगले पोल्दा सधैँ
छाती भित्र व्यथै व्यथा, दन्दनाउँछ परदेशीको

१)
जानी नजानी एकले आज, प्यार दिएकी छे
माया गर्छु तिमीलाई भन्ने, विचार दिएकी छे
कस्तो माया हो उस्को त्यो बुझ्नै गहारो भो,
जस्तो भए नि चिनो स्वरुप, उपहार दिएकी छे ।

१) कृष्ण तिमीलाई

कृष्ण तिमीलाई श्रद्धाञ्जली
स्वीकार मनको भावाञ्जली
आउँछ जाने सबको दिन
तिमीलाई लग्यो बनी छली

१)
साकुरा फूल
मौसम नै रंगिन
मुसुक्क हाँस्दा

२)
देउरालीमा
पिरतीको साहरा
वरपीपल