विविध-विधा

घाँटीसम्म डुबेर बाँच्नलाई तड्पेको चित्कारलाई सुन प्रभु
जीवनमरण दोसाँधमा अड्केको मातृ प्यारलाई सुन प्रभु

दक्र्यो पानी मुसलधारे, खोला बढे, हाय ! बाढीले गर्यो बितण्डा
सुत्केरी नवशिशु बोकी दौडिन्, बृद्धको गुहारलाई सुन प्रभु

१)
साउने झरी
झरझर झरेर
ताण्डव नृत्य

२)
कुनै सपना
सपनाविहीन छ
मध्ये-दिनमा ।

मुक्तक १
मुटुमा सजाएर राखेको एकजना खास थियो
अँझै लाग्छ ऊ हर समय मेरै आस पास थियो
मैले उसलाई कहिल्यै महलको सपना देखाइन
त्यसैले हाम्रो माथि यौटा खुल्ला आकाश थियो

वर्षा हुन्छ रे
बाढी नि आउँछ रे
पहिरो नि जान्छ रे
के हुन्छ बाबा
दैवको यो लिला रे
कस्ले हर्छ दुःख यो ?

१)
आएर जान्छ
सुटुक्क त्यो खुसी
पत्तै नपाई

२)
उतार् चढाब
आयो जीवनभरि
भोग्ने आफैले

मेरो सासमा तिम्रो मिलनको आश अँझै बाँकी छ
मेरो मुटुमा मधुमासको विश्वास अँझै बाँकी छ

पैसामा कहिल्यै बिकिन त्यसैले मन पराएनन्
जालझेलमा कहिल्यै टिकिन त्यसैले मन पराएनन्

सधैं अघि बढिरहें परिवर्तनको निम्ति केवल
बखेडा कहिल्यै झिकिन त्यसैले मन पराएनन्

रात भए जलेवाझैँ दिन मालुवाझैँ
जीवन भयो पतझर मेरो मन पालुवाझैँ ।

यो जिन्दगी लथालिङ्ग बालुवाको मुठ्ठी भयो
कतै चोट दुख्ने भए कतै हलुवाझैँ
मन डढ्यो वन डढ्यो धर्ती आकास डढ्यो
जीवन भयो मरुभूमि सुख्खा बालुवाझैँ ।

के छ विचार ? भन प्यारी, यो सालको तीजमा
गर्दै छौ त के तयारी ? यो सालको तीजमा

व्रत, पूजा राखी हौली, बाधा अड्चन हर्न
देवीदेउता खुशी पारी, यो सालको तीजमा

देशभित्र अन्यायले सगरमाथा नाघेको छ
अर्कातिर नैतिकताको खडेरी नै लागेको छ ।।

बाढी अाकाे थाहै नपाइ दुला पसी लुकी बस्ने
मधेशकै मसिहाले छब्बिस अरब मागेके छ ।।

नेपालका खेलानाला हाताहाती जस्ले बेच्याे
अाजभाेलि त्यस्कै भूत मधेशमा जागेकाे छ ।।

केही कन्ची सहयाेगकाे भिक दिइ लाेभ्याउँदै
नेपालकाे जलस्राेत बैरीले नै दागेकाे छ ।।

लम्पसारवादीहरू देश बेच्न लस्कर लाग्छन्
राष्ट्रियता भन्ने कुरा नेपालबाट भागेकाे छ ।।

नेताहरु गणतन्त्रलाई क्यास पारेर खाइरहेछन्
जनताहरु भोकउपवास बसेर रुवाइको गाना गाइरहेछन्
बाढीपीडितहरुको दुःखमा नेताको घुँडा धरधरी आँसुले भिजेको छ
तिनका पाल्तुहरुले तिनलाइ विदेशबाट ल्याएका माला पहिराइरहेछन् ।

” गुलियो कफी
बगैंचामा टेबल
बेहोशी मन ”

” सानो बिरुवा
हरियाली जंगल
दुई नक्षत्र ”

“जोडी ढुकुर
अाकाश र पातल
दैबको लेखा ”

” सेतो भ्यागुता
हजारौंको भिडमा
अमिलो मुख ”

“स्वर्गकी परी
अन्धकार रातमा
दुष्टको साथ ”

बाढीमा डुबेको छ तराईका सारा गाउँ
जोगिन सक्ने पनि कहाँ छ र ठाउँ?

कतै मान्छे डुबेका छन् कतै छन् भोकभोकै
छिया छिया हुन्छ मुटु कसरी म सुनाऊँ

मुक्तक १

यता मेरो मलामीको लामो लर्को हुँदा
उता तिम्रो सिउदोमा सिन्दूरको धर्को हुँदा
तिम्रो बिहेका जन्ती पनि रुन्छन होला
मेरो शंखको आवाज चर्को हुँदा

चाहन्छ मुटुले तिमीलाई आफ्नो बनाउन
भन के के गर्नुपर्छ तिम्रो त्यो हात समाउन

मन छ मलाई, चाहन्छु सँगै दुख सुख बाँड्ने
भन के के गर्नुपर्छ तिम्रो खुशीमा रमाउन

आजकल सुन्छु बिहान तिमी मन्दिर धाउन थाल्या छौ रे
मैले हिँड्ने बाटो कुरी थोरै च्याउन थाल्या छौ रे

गर्छ्यौ अरे मात्र कुरा पिरतीका साथीसँग
मन भुलाउने गीत खोजी गुनगुनाउन थाल्या छौ रे

न्यायको उज्यालो आफैंले छेक्यौ कि?
कसैको दबाबमा निर्णय लेख्यौ कि?

छुट्टयाउने अधिकार तिमीलाई मात्र छ
गलत कुरालाई सही पो देख्यौ कि?