पैसामा कहिल्यै बिकिन त्यसैले मन पराएनन्

पैसामा कहिल्यै बिकिन त्यसैले मन पराएनन्
जालझेलमा कहिल्यै टिकिन त्यसैले मन पराएनन्

सधैं अघि बढिरहें परिवर्तनको निम्ति केवल
बखेडा कहिल्यै झिकिन त्यसैले मन पराएनन्

कुहिएको पिठो विक्यो बोल्न सक्नेहरुको
झुठो कहिल्यै सिकिन त्यसैले मन पराएनन्

घुमाउँदा रहेछन् कलम स्वार्थमा डुल्नेहरुले
गलत कहिल्यै लेखिन त्यसैले मन पराएनन्

समृद्धिको एउटै ढोका भ्रष्टाचार मुक्त शासन
त्यो बाहेक अरु देखिन त्यसैले मन पराएनन्