विविध-विधा

१)
घाम लागे पनि बादल हट्न सकेन
आँखा जुधे पनि माया बस्न सकेन
आँखाबाट परपर भाग्न थाले निद
दिन बिते पनि रात कट्न सकेन ।

दिनहरू बित्दै गर्दा, गएसाथहरू सेलाउँदै
महिनाहरू बित्दै गर्दा, गए यादहरू सेलाउँदै
दिन पछि महिना, महिनापछि वर्ष क्रमश
वर्षौपछि त गए ती मिलेका हातहरू सेलाउँदै

जिन्दगी खोला हो कि बगर सोच्नै सकिन मैले
गएर कहाँ टुंगिन्छ यो सफर सोच्नै सकिन मैले

लाग्दैछ, हिंड्दा-हिंड्दा जिन्दगीका यी गोरेटाहरू,
अहिले बाटोमा छु “की” पुग्दैन घर, सोच्नै सकिन मैले

१
हिड्नु हुदैन कहिल्यै रहरमा भन्नुहुन्छ आमा
पर्नु हुदैन है कसैको भरमा भन्नुहुन्छ आमा
हात समाई बत्ती कात्न, टपरी गाँस्न सिकाउदै
सजिलो हुन्छ पराई घरमा भन्नुहुन्छ आमा ।।

 
देशै भरी कुम्भकर्ण सारै घुरेका छन्
तिनका लागि घुर्ने मात्रै बर्दान जुरेका छन् ।

ढुक्क सुत्छन् कुम्भकर्ण लामो लामो घुर्दै
मानौ तिनले देशको विकास सबै तुरेका छन् ।

सुते पनि यिनका लागि सिकार आफैं आउने
चारैतिरबाट यिनलाई अौसर जुरेका छन् ।

कुम्भकर्ण सुत्तासुत्तै भुत्भुताउँछन् कैले
जनता भने ब्यूँझिएको ठान्दै कुरेका छन् ।

बिहानीको उज्यालोलाई पर्खिएर बस्ने
जनताका इच्छाहरु यिनले पुरेका छन् ।।

हामीजस्ता साहित्यका सेवीलाई पनि
कुम्भकर्णे गजलहरु निकै फुरेका छन् ।।

मन छ उडन यसरी मलाई पंक्षी नभए पनि
शिखर चुम्न मन छ मलाई पंक्षी नभए पनि !
छैन पखेटा उड्ने मेरो तिमी जस्तो त के भो ?
फैलाई कृति चुम्नेछु लक्ष्य पंक्षि नभए पनि !!

सीमानामा आज भोलि साँझ बिहानै गोली चल्छ
घर हाम्रो हो, तर यहाँ पराइको बोली चल्छ
न त दशैं, न त तिहार, न त फागु पर्व हजूर
खै किन हो यहाँ त बिनापर्व होली चल्छ ।।

जिउन सजिलो छैन जिन्दगी तनाव भइदिन्छ
खुलम-खुल्ला बाँच्न पाउदैन दबाब भइदिन्छ
हाँस्दै बाँच्छु भन्छु तर आँखामा आँसु आउँछ
कसैको माया, साथ र बोली अभाव भइदिन्छ

अर्काको भाग खान खोज्दा उल्टो भोकै बस्नु पर्ला
घचेड्दै छौ साथीलाई आफैं भिरमा खस्नु पर्ला ।।

जस्को दोष हुँदै हुन्न उसैलाई किन ताक्छौ
बिनासित्ती तिमी आफैं नेलजेलमा फस्नु पर्ला ।।

तिमी जहाँ त्यहीँ म पुग्न पाँए हुन्थ्यो
मलाई लान वायुपंखी घोडा आए हुन्थ्यो ।

सधैं हामी टाढिदा बिरानो झै लाग्ने
थाहै नपाई बतासले सँगै पारे हुन्थ्यो ।

रोकूँभन्दा भन्दै आँसु आँखाबाट झरेको छ
मेरो भाग्य दलानबाट अलिक पर सरेको छ ।।

विरहका भाकाहरू न्याउली गाउँछ रुखमा बसी
उसको गीत सुनी मेरो मुटु चिरा परेको छ ।।

कति कामले किन आयौ आज मायालु
मलाई भयो कस्तो कस्तो लाज मायालु

मौका साइत मिलाएर आए के हुन्थ्यो
कल्ले आउन भन्यो तिम्लाई साँझ मायालु

शरद् लाग्यो, स्वदेशमा धान झुले होलान्
जताततै रङ्गीचङ्गी फूल फुले होलान्

झलमल्ल भयो होला पखेरीमा घाम
घामसँगै गगनचुम्बी हिमाल खुले होलान्

१)
कुमारी कन्या
भगवान आस्थाको
जीवित देवी

२)
आस्था विश्वास
परम आत्मीयता
मौन मौनता

जब हरेक वर्ष तिहार आउँछ
मेरो त रित्तो निधार आउँछ

सबैका चेली केके ल्याउछन्
आफ्नो त रोटी न अचार आउँछ

कस्ले भगवान बनायो
जानेर अञ्जान बनायो

सम्बन्ध मजबूद कती
मनको चिनजान बनायो

जान्मेर मर्ने यो रीत कस्तो
अजीब सम्मान बनायो

नसन्ने सून्छ यो दुनिया
अचम्मको कान बनायो

ऐस आराम मोज मस्ती
रात संगै बिहान बनायो
-२२असोज०७४

१)
शुभकामना
कूकुर तिहारको
कूकुरलाई

२)

दिपावलीको
मधुर दीपहरू
मधुरो भए

३)
मौषम उस्तै
फरक फरक छ
जाडो र गर्मि

४)
चाहाना तिम्रो
सगरमाथा जस्तै
होचिदै गयो

५)

औषीको रात
दीपको दिपावली
मन अध्यारो

अँधेरीमा जून राम्रो चम्किँदामा सुन्दर लाग्छ
पँधेरीमा धून राम्रो घन्किँदा मन शोभा जाग्छ

सानी मायालु लजाउँदै गाउँबेँसी गर्छिन् सधैँ
चौतारीको ढुङ्गे धाराले सौन्दर्यको भिख माग्छ