विविध-विधा
ठेक्कामा दिउँ हेर
म त भन्छु देश चलाउन, ठेक्कामा नै दिउँ हेर,
आह्वान गरी बोलपत्र, आवेदन नै लिउँ हेर।
मुकुट थियो,घाम आयो, रूख अनि जङ्गल छायो,
आफ्नै हात जगन्नाथ, जनताको चै निउँ हेर।
हट्ने होइन डटी लड्ने, ङिच्च गरी झोली थाप्ने,
वीर हामी पानी धरि, मागेर नै पिउँ हेर।
देशप्रेम नशामै बग्छ, मुटुमा हाम्रो चन्द्र सूर्य,
डिभी भर्न लाम लागी, देशभक्त भै जिउँ हेर।
हत्केलाको रेखा……
हत्केलाको रेखा हेरि, भाग्य भन्छु भन्यौ।।
भाग्यमा रैछ भने, तिम्रै बन्छु भन्यौ।।1।।
‘बाँझो त्यो दिलबारीमा, फूल रोप्नलाई।
चट्टानै भए पनि, जोत्छु खन्छु’ भन्यौ।।2।।
अरुले तिरस्कार र, घृणा गर्दा गर्दै ।
‘आफन्तैको पँक्तिमा, म गन्छु’ भन्यौ।।3।।
मेरो जीबन सहज छैन, भन्दा भन्दै किन?
‘जति दुख परे पनि, सहन्छु भन्यौ?4?
१.मेरा पुराना मुक्तक
१
भाेलिसँग विश्वास गर्नेहरु
भविष्यकालसँगै खेलबाड गर्छन्
जब अड्डा अदालत र सविचालयमा
भोलिको लोली सुन्लान्
अनि मात्र तिनीहरु तिन छक्क पर्छन् ।
२०३४ असार काठमाडौ
२
तिनले क्या मिठो गीत गाइन्
त्यसै गीतबाट तिनले धेरैसँग माया लाइन्
त्यसै गीतबाट कता कता धाइन्
मलाई पनि उनको सारै माया लाग्न थालेकाे छ
उनलाई अब भेटेरै भनौ भनौ लाग्न थालेकाे छ
प्लिज एड मि वान ग्लास वाइन ।
२०३८। वनेपा
३
सधै हरियाे देख्नेका अाँखाहरु
सुकेकाे रुखमा पनि
फूल फुलेकाे देख्छन्
सामन्तिकाे प्रशस्ती लेख्ने बानी परेकाहरु
सामन्तका कुकुरकाे पनि
महाभाष्य लेख्छन् ।
०४०।४।४ झापा
खुल्ला नराख दिलमा कोही पस्न सक्छ
गुँडमै छोडी निस्केकी थिएँ जुटाउन चारा तिमीलाई
पत्थरलाई सुन ठानी टल्काएर भूल गरेँमर्न डराउँछु आमा
बाँच्नु अझै छ र त, मर्न डराउँछु आमा,
हिँड्नु अझै छ र त, मर्न डराउँछु आमा।
एकबारको जुनी यो, सिकाई माग्नु कति छ,
भ्याउनु अझै छ र त, मर्न डराउँछु आमा।
पाउँछौ जति थपेर देउ, भन्नु भा’को होइन?
फर्काउनु अझै छ र त, मर्न डराउँछु आमा।
कुरीतिको मियो घुम्दै, दाइँ गर्दैछन् गोरू,
फुकाउनु अझै छ र त,मर्न डराउँछु आमा।
बलियाले थिच्न कहाँ, छोडेछ र निर्धालाई,
लड्नु अझै छ र त, मर्न डराउँछु आमा।