Skip to content

ठेक्कामा दिउँ हेर

म त भन्छु देश चलाउन, ठेक्कामा नै दिउँ हेर,
आह्वान गरी बोलपत्र, आवेदन नै लिउँ हेर।

मुकुट थियो,घाम आयो, रूख अनि जङ्गल छायो,
आफ्नै हात जगन्नाथ, जनताको चै निउँ हेर।

हट्ने होइन डटी लड्ने, ङिच्च गरी झोली थाप्ने,
वीर हामी पानी धरि, मागेर नै पिउँ हेर।

देशप्रेम नशामै बग्छ, मुटुमा हाम्रो चन्द्र सूर्य,
डिभी भर्न लाम लागी, देशभक्त भै जिउँ हेर।

Leave a Reply

Your email address will not be published. Required fields are marked *