मुक्तक

मुक्तकः एक

अहिले कराेड भ्रष्टाचारमा हजार दण्ड गर्ने न्यायाधीशकाे नाम छ
निर्माणकाे नाममा हिलो र धुलाेले बाटाे जाम छ
अरुकाे के कुरा गरिरहनु र साथीहरु
बलात्कारीहरुकाे धुमधाम छ ।

मुक्कतः दुई
युवाहरुहाे साैदी कतार र मलेसिया जान बल गर
सक्छौ भने यसका लागि चाँडो पहल गर
याे देशमा बसेर के भाे र अब
भिसाका लागि जतिसक्तो छल गर ।

मुक्तकः तिन

कसैलाई दसैं पीडा हाेला कसैलाई काल छ
कसैलाई यही दसैं मालामाल छ
सबैकाे उस्तै कहाँ हुनु र नानी
निर्मलाका अामाबाबुलाई भने दसैं बेहाल छ

(१)
एकलाई बथान नगनियोस्
मूर्खलाई शिक्षित नभनियोस्
हुँदा हुँदा अब त अति भयो
तला छाप्न आगन नखनियोस ।

१)
कोही जातीय संघीयता नभएकोमा चिल्लाइरहेछन्
कोही अखण्ड नेपाल नभएकोमा झल्लाइरहेछन्
कुकुरले पुच्छर हल्लाए पो शुभ संकेत हुन्थ्यो र
बिडम्बना याहाँ त पुच्छरले कुकुर हल्लाइरहेछ।

१)
भन कुन मन्दिरमा छौ या दरबारमा छौ
या तिनै बेइमानहरुको हाट बजारमा छौ
हो कस्तो इन्साफ यो, हे भगवान तिम्रो
म अचानोमा छु तिमी चैँ तरबारमा छौ ।

तिम्रो रुपको अगाडि अरु फिक्का लाग्छ
मलाई तिम्रो रुप नै सुनको सिक्का लाग्छ
छोडेर जान्छु भनेर कहिल्यै नभन है प्रिय
तेस्तो बेकार कुरा सुन्दा मलाई दिक्का लाग्छ

अाशिष चौधरी
कपिलवस्तु

अतीतका ती यादहरु सम्झी रून्छु अचेल
तिम्लाई नदेख्दा तिम्रौ फोटो छुन्छु अचेल
तिमि त अर्कै सँग खुसी भइ बेचिरहेकी
छौ म चाहि हरेक पल उदास हुन्छु अचेल
अाशिष चौधरी
कपिलवस्तु

मेरो मायाभन्दा तिम्रो माया ठुलो भए
म तौली दिन्थेँ माया जोख्ने तुलो भए
मरी जाउँला झुट बोल्या छैन कान्छी
तिमी प्रति मेरो यो माया खुकुलो भए

सबै साथी स्कुल जादा मैले भाँडा धोएको छु
खेल्ने कुद्ने त्यो उमेरमा सधैभरि रोएको छु
आमाको मृत्यु पछि बा’ले अर्की आमा ल्याए
पिटाइ खाँदा सानिमाको कति खुट्टा छोएको छु

आशाका ती ढोकाहरु नखोलिदेउ बिन्ती
बहकिन्छ मन मेरो नहेरिदेउ बिन्ती
फेरि अर्को सम्झौता गर्न गाह्रो हुन्छ नि
अनेक बाहाना बनाइ नबोलिदेउ बिन्ती

बिहानीको लाली किरण उज्यालो छरी तिमी आयौ
बसन्ती रुपमा चाह मेट्न नशा छरी तिमी आयौ।।१।।

बैंशालू यौवनले मत्त रुपले झनै राँकिएर
कस्तुरीझैं बिना लुमाइ सुगन्ध छरी तिमी आयौ।।२।।

भन्न गाह्रो भाको रैछ मैंले ति आँखाका भाव बुझें
उमेरमै भेट्न कस्तो सानू जादू छरी तिमी आयौ।।३।।

त्यति टाढादेखी तिमी आयौ मृग तृष्णा सबै मेट
कस्तो बैंशालू त्यो रुपमा चमक छरी तिमी आयौ।।४।।

आयौ तिमी र पो त मेरो यो मन नि प्रफूल्लित छ
चरा सम्झी मेरो चारैतिर चारो छरी तिमी आयौ।।५।।

१)
तिमी आयौ र साथीहरू बिर्सिएँ
तिनीहरू नै मेरो विपरित दिशामा तेर्सिएँ
कारण तिमी नै हो जे भनेपनि
त्यसैले आजकाल मैले तिम्लाई बिर्सिएँ

कता जानु थियो कता पुगिएछ खै के भयो के भयो !
नपर्खने वाचा गरेर पनि उसैको बाटो रुँगिएछ खै के भयो के भयो !
अब ता वास्ता नगरौं भन्यो फेरि पनि धर छैन
बोध हुँदैछ, आफ्नै भाग्यलाई आफैं ठुँगिएछ खै के भयो के भयो !!

१) हिमालदेखि

हिमालदेखि तराइसम्म
हेर सुन फल्छ लटरम्म
विकासमा हामी लाग्नै पर्छ
कोही बस्ना हुन्न गजधम्म

पछुताउनु बाहेक अरु कुनै विकल्प छैन
तिम्रो याद को हुरी मोड्न सकेको छैन
बिदाइ त गरे केही फरक नपरे जस्तो गरी
प्यालामा प्याला थप्नुको विकल्प छैन

सोचेझैं परिवर्तन हरक्षण हरपल नभएपछि
चाहेको सारा प्रयासहरू सफलनै नभए पछि
अपन्याउछन् भ्रष्टाचारको बाटो हाम्रो देशमा
सबैको मन पवित्र अनि सुन्दर नभएपछि

१) कोही भन्छन्

कोही भन्छन् बुढोरुख ढल्ने भयो
कोही भन्छन् अमृतफल फल्ने भयो
कस्का भाषण पत्याउने जनता भए अलमल्ल
जस्ले धेरै भोट ल्याउँछ उस्ले अवीर दल्ने भयो

विदेश गएर मोज मस्ती गर्न थालेछु
साथीभाइ सबैलाई बिर्सन थालेछु
चार पैसा जाबो कमाउँदैछु भन्दैमा
म त आजकल औकात देखाउन थालेछु।१।

म​लाई हिरो ब​नाउने नि उनी हुन
म​लाई जिरो ब​नाउने नि उनी हुन
भुपु मायालुको कुरा सुनाएर​
म​लाई रातोपीरो ब​नाउने नि उनी हुन ॥

कहिले घाम​ कहिले शित्त​ल​ खोजिन्छ​
स​धै सुन​ कहिलेकाहि पित्त​ल​ खोजिन्छ​
हात्ती पाले भ​न्नु त​ बेकार​ र​हेछ​,
शिकार​ खेल्न​लाई त​ चित्त​ल​ खोजिन्छ​ ॥