kbs

नजरको बाणले हान्यो कि मलाई ?
मनको मन्त्रले तान्यो कि मलाई ।

बुझ्न नै सकिन आज खै के भनुँ ?
प्रियसी भनेर जान्यो कि मलाई ।

सकिन बुझेर मन नि कहिल्यै
जीवन संगीनी मान्यो कि मलाई ।

शायद असल प्रेमी नै भएर
मनकी प्रेमिका ठान्यो कि मलाई ।

त्यो छायाँ
अँझै पछ्याई रहेछ
घुसेको छ रौं रौं अनि
मस्तिस्कको नसा-नसामा
जति घस्रिए पनि
दरिद्रताको छायाँ हटेको छैन
जति भोगे पनि
कुलिषताको संस्कार
पखालिएको छैन

आमा सधैं मैनबत्ती जस्तै जल्दै गरिन् ! यो सृष्टिमा आमा समानको गहन कतै अरु केही छैन! किनकि आमा त आमा नै हुन् । आमाको तुलना देवी-देउतासँग पनि अधूरो हुन्छ!

आमा सधैं मैनबत्ती जस्तै जल्दै गरिन् ताकि आफ्नो घर संसार सधैं उज्यालो भैरहोस! जुन घरमा उज्यालो हुँदैन त्यस घरमा लक्ष्मीमाताको वास पनि हुँदैन भन्छन! जुन घरमा गुनी आमा हुन्छिन, त्यस घरमा भगवान, देवी-देउताको सधैं वास भै रहन्छ! आमा कति गुनी, कति महान, कति कोमल, कति साहसी, कति सहनशील! वास्तबमा आमा धर्ती हुन्! सारा धर्तीको सहनता आमामा ग्रहण भएको छ !

आमा कति गुनी आफ्ना बाल बच्चाहरूलाई कहिल्यी झिजो नमानी सम्हाल्छिन्। हामी त्यस घरमा बस्दछौं, जहाँ आमाले उज्यालो बनाएकी छिन। त्यस घरमा हामी कोपिलाबाट फूल खेल्दछौं ! जहाँ हामीले आफ्ना सुन्हेरी सपना बनाउछौ! आमाको मिठो स्वरमा लोरी गीत सुन्दछौ!

पात्रहरू: १, २, ३ कुर्सी खोज्ने पात्र २ चाहिँ नारी र अरू पुरुष पात्र ४, ५ जनता पात्र

(ठूलो कुर्सी छ । बैठक कोठाको दृष्य छ ।)

१ – (कुर्सी देखाउँदै) यो मेरो भागमा पर्छ मसँग यी समस्या निर्मूलको अचुक ओखती छ केवल सय दिन बस्न दिनुस् ।
२ – आजसम्म लिनु भो अब नारीको भागमा हुनुपर्छ ।
३ – यसको लायक त म हुँ मसँग दक्षिणेको साथ छ सात समुद्रपारिको समर्थन छ । अब सबको समर्थन मलाई हुनुपर्छ ।
१ – मसँग पनि छ, केवल १०० दिन बस्नदिनुस् । सारालाई रिझाउँछु ।
२ – मसँग पनि छ, केवल १०० दिन बस्नदिनुस् । म काम गरेर देखाइदिन्छु ।

नेपथ्य – आखिरमा समर्थन सबसँग छ सबलाई कुर्सी चाहिएको छ यसैमा खुशी लुकेको छ, फुर्ती अडेको छ । हो, कुर्सीका अगाडि देश छैन, जनता चाहिँदैन ।

भन युद्ध कस्को जीतमा छ
तिमी हामी सबले हारे
भन युद्ध कस्को जीतमा छ

राजेश्वर ढकाल
दोहा, कतार।

भाषाको उत्थान नेपालीको पहिचान भन्ने मुलनाराका अगाडी बढेको नवोदित साहित्यिक मोवाइल पुस्तकालयले गत आइतबार अक्टोबर १५ ताखिकका दिन विधिवत रुपमा दर्ता गरेको छ । डायास्पोरामा साहित्यप्रति जागरुक जनमानसको रुचि र माग बमोजिम साहित्य कला र अन्य विविध विधासँग सम्बन्धित पुस्तकहरू उपलब्ध गराई साहित्यिक तिर्खा मेटाउँदै नेपाली भाषा, संस्कृति र साहित्यलाई मात्र हैन नेपाल राष्ट्रलाई नै बिश्व मानचित्रमा चिनाउँन प्रयासरत यस मोवाइल पुस्तकालय २०६६ सालदेखि संचालनमा आएको थियो ।

पूर्व सूचना अनुसार आउँदो सेप्टेम्बर महिनाको ३ देखि ५ तारीख सम्म सम्पन्न हुन गैराखेको ANMA एवम NASeA को सयुक्त सम्मलेनमा अनेसासको तत्वाबधानमा भव्य प्रतियोगितात्मक कवि गोष्ठी तथा विविध साहित्यिक कार्यक्रम हुने कुराको सहर्ष जानकारी गराउदछौं । प्रतियोगितामा भाग लिन इच्छुक महानुभावहरूले समयमा नै आफ्नो कविताहरू निम्न ठेगानामा इमेल मार्फत पठाई दिनु हुन बिनम्र अनुरोध गर्दछौ । उक्त सम्मलेनमा स्वयं उपस्थित हुन असमर्थ हुने साहित्यिक श्रष्टाहरूले पनि आ-आफ्नो रचनाहरू पठाउनु भएमा कार्यक्रममा बाचन गरिने छ ।