नजरको बाणले हान्यो कि मलाई ?


नजरको बाणले हान्यो कि मलाई ?
मनको मन्त्रले तान्यो कि मलाई ।

बुझ्न नै सकिन आज खै के भनुँ ?
प्रियसी भनेर जान्यो कि मलाई ।

सकिन बुझेर मन नि कहिल्यै
जीवन संगीनी मान्यो कि मलाई ।

शायद असल प्रेमी नै भएर
मनकी प्रेमिका ठान्यो कि मलाई ।

हज्जारौं सुन्दरी छाड्दै पो यसरी
एक्मात्र मायालु छान्यो कि मलाई ।

छुटाइ कहिल्यै टाढा नै नगर्न
कसिलो डोरिले बान्यो कि मलाई ।

(रचना १९ अगस्ट २०१० )

  •  
  •  
  •  
  •  
  •  
  •  
  •  

4 thoughts on “नजरको बाणले हान्यो कि मलाई ?”

  1. ho prava ji mayama sachai nai
    ho prava ji mayama sachai nai yastai kasilo dorile banda ramro hundo rai6 aba maile pani kasilo dori batdai 6u..tapaiko gazal pder yahi kura jane maile..r gazal ramro lagyo..

    raj

  2. गजल जवाफ
    नजर्को मेरो वाण

    गजल जवाफ

    नजर्को मेरो वाण छैन
    तिमीबिना मेरो प्राण छैन

    केबल चाहन्छु तिमीलाई
    मायाको मलाई ज्ञान छैन

    बुझेकाछौ मलाई भक्त हुँ तिम्रो
    नारीझै मेरो भगवान छैन

    चरित्रको फूल तिमी
    मसँग सजाउने बगान छैन

    सुन्दरीबिचको रानी तिमी
    भित्र्याउने मेरो घरान छैन

    धन पापी नातै टुटाउने
    तिम्लाई खोस्ने हनुमान छैन

    दशरथ
    खोटाङ

Leave a Reply

Your email address will not be published. Required fields are marked *