विविध-विधा

सु-बिचार फैलियोस । नब बर्षको शुभकामना !
कु-बिचार मैलियोस । नब बर्षको शुभकामना !

कुच्रिएका दु:ख सबै एक-एक गर्दै सूख बनी
पोका-पोका थैलियोस । नब बर्षको शुभकामना !

बिल्दै जावोस दुर्ब्यबाहार निर्धो माथी सधैं हुने
सभ्य भाषा सैलियोस । नब बर्षको शुभकामना !

कत्ति यसै तुइयो होला अभाब मा रहर हरू
यसै पाली बैलियोस । नब बर्षको शुभकामना !

कता ? के ? कुन ? भबिस्यको अन्योल्तामा
सहि मार्ग पैलियोस । नब बर्षको शुभकामना !

भोका बस्ती सबै अगाउन अनि मान्छु नया बर्ष
कपडा सबैले लगाउन अनि मान्छु नया बर्ष

सुन्छु अचेल जाती जात फाटेका छन छिमेक मा
बाहुन ले राई सगाउन अनि मान्छु नया बर्ष

तोया नाथ पौडेल
शँखुवा सभा तमाफोक – ८
हाल मरुभुमी को छाती बाट

आफ्नै मान्छे यहाँ,ढुङ्गा परेको देखें
दुःखमा साथ् छोडी,टाढा सरेको देखें

ओ,हो चोट परेछ नि,बरै भनि भनि
मौकाहेरी त्यै’घाऊमा,नून छरेको देखें

छुरा पो बरु उत्तिधार,देखिन है.. मैले
जति धार बचन आफ्नैले गरेको देखें

मन’फाट्ने छुवाछुत,रच्ने आफ्नै मान्छे
काडा’जस्तो उभिएर,बाटोमा बसेको देखें

चिल्लो बोलि घस्दै, ओठको हाँसो छर्दै
गोवान ले ठुँगे जस्तै,बिष भरेको देखें

बिराही लामा
लम्जुङ्ग सिम्पानी-९
बगैचा
हाल-साउदी हाईल

यो दुनियाँ बाट मलाई,बैरीले चुँढायो भने
संसार मैले छोड्नै पर्छ,दैबले उठायो भने

तिम्रो सिउँदोमा सिंदूर,बनेर फूल्दा फूल्दै
म’हराउन कर लाग्छ,आँधीले उढायो भने

मेरो प्यारो तिमी हौ,म प्यारो दैवको भए
नरुनु है रोएर हुन्न,तक्दीरले लडायो भने

वार्तालव भेट घाट,फेरी होला कि न होला
दिन र दसाले छोपी,हामीलाई छुटायो भने

घरबार छोरा र छोरी,ईष्टमित्र धानी बस्नु
म तिमी बाट खोसेर,कालले सजायो भने

बिराही लामा
लम्जुङ्ग-सिम्पानी-९
बगैचा
हाल-साउदी हाईल

बर्षौ पछी गाँउ फिर्दा हाहाकारै देखें
दाजुभाइ आफन्तमै मारामारै देखें|१|

लोग्ने चै ले स्वास्नी कुट्दा सडकमै उत्री
चक्का जाम गरेको त लगातारै देखें|२|

के-फेरियो? तिमी भन गणतन्त्र ल्यार
निर्धा माथी बलियाको अत्याचारै देखें|३|

जात जातिका कुरा हुन्थे छिमेकमा पनी
रिस राग यस्तो पानी बाराबारै देखें|४|

जनताको काम गर्न बिन्ती भाउ चाइने
हाकिमको टेबल माथी उपहारै देखें|५|

जीतु खड्का गाउले
मोरङ उर्लाबारी

कोही भन्छ यो गाउमा धेरै थोकको अभाव छ
कसम् सुन्छु झुटो भए यी गीताको किताब छ

पिरतीको परिभाषा तपाई नै दिनुहोस !
यौटा हातमा गुलाव त अर्को हातमा सराब छ

चोकचोक्बाट भट्टीहरू हटाइनु पर्छ अब
रक्सीले नै कयौ यहाँ घरबारमा तनाब छ

खिया लागेका थोत्रा औजार बांकी छ मेरो देश मा
बिगार्न त सबै ले बिगारे सुधार बांकी छ मेरो देश मा

बाहुन ले देश सके भनेर उफृन्छन अबाहुन हरु
अब एक चोटी अबाहुन हरुको सर्कार बांकी छ मेरो देश मा

तोयनाथ पौडेल
शँखुवसभा ,तामाफोक -८
हाल – मरुभुमी को छाती साउदी अरब

मैले हेर्ने एउटा तारा बिलाएको हो कि ?
चन्द्रमाको कोख भित्र निदाएको हो कि ?

कयौ पीडा छाती भित्र सम्हालेर बग्ने
खहरेको चित्कार सुन्छु सुसाएको हो कि?

मौन देख्छु झुल्के घाम उदाएको बेला
कयौ रात अँध्यारो मै बिताएको हो कि ?

(१)
भन्नेले त जे पनि भन्छन, सुन्नले सुन्नु हुन्न
एकबारको जुनि हाम्रो, जस्तो मान्छे नि चुन्नु हुन्न
जिन्दगी लामो छ हाँसी खेली बिताउनु पर्छ
स्वार्थको निम्ती फसाउन, मायाजाल बुन्नु हुन्न

तिम्रो दाउमा म सधै हार्न तयार छु,
खुशी तिम्रो पोल्टामा पार्न तयार छु।
तिम्रो खुशियालीमा रमाउने आदत भएसि,
आफ्ना ईच्छा चाहना मार्न तयार छु।

पलभरको खुशी पछि आँशु झार्नु वाध्यता भो
झर्ने आँशु परेलीमै राख्न बार्नु वाध्यता भो ।

सक्दिन नै भन्छ मनले अँझै दुःख खेप्न पनि
तिमीलाई खुशी दिने मन अन्तै सार्नु वाध्यता भो ।

नयाँ साल २०७० को र्दिघायुको शुभ कामना
जहाँ जता रहे, पुगे पनि स्वच्छ रहोस भावना

कोही कसैको विरोधी भई विद्रोह गर्न नपरोस्
जस्तै परिस्थीती आए पनि उच्च रहोस् चाहना

उदाउँदा जून तारा टोलाइदिने बानी कस्तो ?
एक छिन टाढा हुँदा बोलाइदिने बानी कस्तो?

टाढाबाट ईशाराले माया गर्छु तिम्लाई भन्दा
फूलको थुङ्गा फक्क्रे झैं फक्रिइदिने बानी कस्तो?

खिच्चा तानी को जित नभए हुन्छ
रुढीबाद ले ग्रस्त रित नभए हुन्छ

ए सरकार, तिमी कहाँ छौ
गाऊँ त सपै लुटिएछ सुन जहाँ छौ ।

जनतालाई गुमराहमा पार्न नखोज
असारमै गराऊ चुनाब सार्न नखोज

कालो कोठी ओठै माथि कति सुहाएको
कुरा गर्दा नाना भाँती कति सुहाएको

मन्दिरबाट फर्किएकी निधारमा टीकासँगै
कालो केशमा फूल पाती कति सुहाएको

सोह्रै शृङ्गार भरिपूर्ण अप्सरा हौ ए मिनाक्षी
मिलेको जिउ टम्म छाती कति सुहाएको

बगेको खोला हो कि, बन्दुक्को गोली हो ?
रोक्न नसक्ने भो रे, त्यो कस्तो बोली हो !!

हृदयमा चोट दिने त्, गुलाब कै फूल हो
यो आँखालाई रुवाउने, त्यो तिम्रो डोली हो
बगेको खोला हो कि, बन्दुक्को गोली हो ?
रोक्न नसक्ने भो रे, त्यो कस्तो बोली हो !!