विविध-विधा

रक्सीले सत्कार हुन्छ हाम्रो शहरमा
देहको ब्यापार हुन्छ हाम्रो शहरमा ।।१।।

मान्छे भई पशु व्यवहार नगर्नु याद राख
अब उपरान्त मेरो सामू नपर्नु याद राख

एकएक गेडी खुसीको संगाली माला गाँस्छु
छिनालेर सबै यत्रतत्र नछर्नु याद राख

खाँचो टरिसकेपछि आयौ
बसाई सरिसकेपछि आयौ

विटुलो परिस्थितिसँग जुध्दै
जंघार तरिसकेपछि आयौ

खुसी सारा लुटी रित्तै, बनायो पापी मायाले
कसैको आँसुमा उत्सव, मनायो पापी मायाले

देखिँदै मुखमा राम, भित्र छुरा लुकाउँदै
सबैभन्दा असल आफैँ, भनायो पापी मायाले

मेरो निद्रा खलबल पार्ने मायालु
शान्त मन हलचल पार्ने मायालु

तिमीलाई के भनी बोलाँउ खै म
मेरो प्रेममा जलथल पार्ने मायालु

सुन्दर प्रकृतिको वहार पो हौ.. कि?
मेरो जीवनमा मलजल पार्ने मायालु

जहाँ जान्छौँ प्रिय हामी, त्यहाँ एउटै जात होस्
पिरती गाँस्नेको लागि ,ईज्जतको नि खात होस्

तिमीसँग टाढिएर बस्ने चाहा छैन नि मेरो
अङ्गालोमा बाधि बित्ने, सधै रंगिन रात होस

कुर्दैछौ रे मेरो बाटो सुन्दैछु अचेल
दुनियासामु किन लाटो गुन्दैछु अचेल

खटनमा गर्दै थिए आजसम्म काम
आफ्नै खुशीले के गर्ने चुन्दैछु अचेल

कति सुत्नु हामी सधैं लौन अब जाग्नु पर्छ
सरकारसँग नयाँ संबिधान माग्नु पर्छ

चुनाबको चर्चा सुन्छु केका लागि होला कुन्नि
भोट माग्न आए भने छाला काडी टाग्नु पर्छ

मनमा मायाको अमिट छाप दिएर गयौ ।
अंगाल्दै सुस्तरी पिठ्युमा धाप दिएर गयौ ।।

… उर्लन्छ खहरे सम्झना बनी छल्केर आँशु,
चिसिन्न कहिले अनौठो ताप दिएर गयौ ।।

उड्दै थिएँ पंक्षी सरी वेग मारी भीरबाट
जालमा पारी प्वाँख लुट्यौ कुल्चिंदैछौ शीरबाट

दि-स्वप्नमा हराई रमाऊ झारिदिएँ खोंचमा भनी
बुझें मैले जीवनको रीत कल्कलाउने तीरबाट

नयाँ नयाँ खुशी हरु बोकी आउ नयाँ बर्ष
दु:ख पिडा हरु सबै रोकी आउ नयाँ बर्ष

असत्यको रजाईभो सधैं सधैं यो देशमा
असत्यको टाउकोमा ठोकी आउ नयाँ बर्ष

संबिधान नबनेको जुगै भयो नेपालमा
संबिधान सुरु मिती तोकी आउ नयाँ बर्ष

भेदभाब्ले सिमा नाघ्यो बितेका यी बर्षाहरू
समानता भन्ने पाठ घोकी आउ नयाँ बर्ष

यो “प्रेमको” मान्य छैन जता ततै धोकै धोका
धोकाकाती औंला हरु टोकी आउ नयाँ बर्ष

प्रेम प्रसाद भट्टराई
बुइपा – ८ खोटाङ
हाल – दोहा कतार

नहोस् है युद्ध कामना गर्छु ।
भैहाले फेरि सामना गर्छु ।

द्वन्द्धमा हुर्के डराउँ किन ?
यद्यपि शान्ति चाहना गर्छु ।

नेपालीलाई चिनाउने, सगरमाथा हिमाली
गर्छौ सलाम तिमीलाई, हामी सबै नेपाली

झरना पहाड नदीनाला, सुसाउने सुस्केर
राष्टको गहन हो यो, राख्नु पर्छ सम्हाली

सोचे भन्दा सफल बन्नेछ यो वर्ष
वसन्त जस्तो वहार भन्नेछ यो वर्ष

कठिन यात्राहरू सहज सहज बन्दै
सफलताको चुलिमा गन्नेछ यो वर्ष

जत्ती जे छन अबरूद्द पाटाहरू सबै
निकासको सहजबाटो खन्नेछ यो वर्ष

भ्रष्ट,असफल,दुराचारीमान्छे त्यागी
सफल,ईमान्दार मान्छे छान्नेछ यो वर्ष

वर्तमानबाट अग्रगामी कोल्टे फेर्दै अब
शताब्दीकै साच्चैउत्कृष्ट मान्नेछ यो वर्ष

सनम गोले
दामन मकावनपुर
हाल मलेशिया

सबै कुरा बिर्सिएर, पिऊँ जस्तो लाग्यो आज
नशासङ्गै हराउँदै, जिऊँ जस्तो लाग्यो आज

“काग जति कराए नि, पिना सुक्न छोड्ने होइन”
त्यसैले त आफ्नो मुख, सिऊँ जस्तो लाग्यो आज

(१)
थाहै नदिई मुटु मेरो, जलाएर गई ।
सधैँ खुसी हुने आत्मा, रुलाएर गई ।
वियोगमा तड्पिएर, पिरले सिठु हुदाँ
छ कि स्वास भनी शरीर, चलाएर गई ।