विविध-विधा

१)
एक्लो ध्रूब चम्के पनि वरिपरि खाली-खाली
कति बेर पो बज्नसक्छ उक्साइएको सस्तो ताली
भुलहुन्छन् जिन्दगीमा स्वीकार्नु पो ठुलो कुरा
मनन गर्न नसके त अर्ती पनि हुन्छ गाली ।

दु:खै दु:ख मान्दामान्दै गयो जिन्दगानी
घिच्याएर तान्दातान्दै गयो जिन्दगानी

दिल खोली खुसी बाँड्न सकिएन कहिल्यै
सधैँ मुठी बान्दाबान्दै गयो जिन्दगानी

हेरी ल्याउँदा कोही छैन पराई झैँ लाग्ने
सबै आफ्नू ठान्दाठान्दै गयो जिन्दगानी

तिमी सधै साथै हुन्थ्यौ र पो साथ मिठो हुन्थ्यो
तिम्रो हातले खुवाउथ्यौ र पो भात मिठो हुन्थ्यो

दुवै मिली जुनेलीमा लुकामारी खेल्दै गर्दा
कल्पनाका कुरा गर्थ्यौ र पो रात मिठो हुन्थ्यो

विद्रोही बनें
स्वतन्त्रताको लागि
अप्सोच छैन ।

आफू जोगिन
दोष थोपर्छ मान्छे
अरु नै माथि ।

तिमी गएपछि पिउन आनन्द भो
एक्लै भएपछि जिउन आनन्द भो

छैन पिर चिन्ता न डर कसैको
फाटेको मन एक्लै सिउन आनन्द भो

शान्त छ बस्ती
भई गए शहिद
बीर सपुत
हर्ष कस्को मनमा
कोही छैन आँखामा ।

छ नि ओठ लालीपूर्ण श्वेतकला नाम सानु
बेलालीको ओठमा छ लाली सार्ने काम सानु

दुध घ्यू बेचेर रक्सी खान्छन्
भाइटीकाको दिन सशुराली जान्छन्
राम्रा केटी भर प्रेमिकामा मान्छन्
आमाबालाई भने लात्तीले हान्छन्

अमृत बास्कुने

खुशी थिए तिमीलाई, दिलभित्र राख्दा
मेरै हौ भनी मैले, देवी देउता भाक्दा

घात पीडा सिवाय अरु के पाए मैले?
सबथोक भुली आज, तिम्रो पछी लाग्दा

दुनियामा सहाराहिन हुँदा कहाँ थियौ
आफैलाई धिक्कार्दै रुंदा कहाँ थियौ
एक्लै बाँच्ने भएपछी किन आउछौ साथी
हृदयमा दुस्ताताले छुँदा कहाँ थियौ
मनको मैलो आँशुले धुँदा कहाँ थियौ !!

समयले ठग्यो मलाई गल्ति मेरो छैन हजुर
आफै सग अलगिने इच्छा मेरो छैन हजुर
उनले मलाई छाडी गइन धोका मैले खाए हजुर
आफ्नै सम्झी मायालाए आधा मुटु लगी हजुर
एकान्तमा बसी रोए फकाउन आउनु हजुर
समयले ठग्यो मलाई गल्ति मेरो छैन हजुर
आफै सग अलगिने इच्छा मेरो छैन हजुर ।