खेल खेल्ने बिचारमा भयो जाल झेल प्रिया
तोरी बने कोलमा परें जति सक्छौ पेल प्रिया
जीवनमा प्रकाशको किरणको खोजी गर्दा
तिम्रो मेरो सुमधुर हुन गयो मेल प्रिया
मिलनको रङ्गमञ्च उद्देश्यको प्राप्ति गर्दा
कोलपेलाई दह्रै भयो निख्रनगो तेल प्रिया
प्रेमकी खानी आँखाकी नानी प्रेम पथ दानी
सुपथको बाटो रोज नत्र सड्छ सेल प्रिया
कर्तव्यको भावी रेखा कोर्नु असल नै हुन्छ
सुद्ध मार्ग समातेर खेल्नु पर्छ खेल प्रिया
सदानन्द अभागी