विविध-विधा

बढ्दैछ तिम्रो माया झन्झन् घटाउन सक्दिन
तिम्रै लागि हो मुटु अरु अटाउन सक्दिन ।

तस्वीर तिम्रो, आँँखामा आइरहन्छ झल्झली
कुनै पनि हालतमा म हटाउन सक्दिन ।

यहाँ होम एक्लो परेको पर्यै छ
प्रतीक्षा कसैको गरेको गर्यै छ ।।

कुरी पर्खिदाँ साँझ नै पर्न लाग्यो
हियामा डढेलो सरेको सर्यै छ ।।

के अर्थ छ र
सात पछि अवस्य
आठ आउँछ

पिडाको अर्थ
खोजेर पाइदैन
भोगाइ बिना

१
नीति कार्यक्र म
गणतान्त्रिक आमा
रुष्ट सन्तान !

२
लौ लड्डु बाड्दै
गणतान्त्रिक आमा
“मेरो सर्खार” !

नयनमा न ख्वाव छ अरु ठिकै छ
अलिअलि तनाव छ अरु ठिकै छ

जिन्दगानी धेर-थोर,चलिरहेकै छ
तिम्रै मात्र अभाव छ अरु ठिकै छ

बालुवाटार बेचिएछ, कैले देशै बेचिन्छ होला
भित्रभित्रै ढाक्छोप गरी खबरमा नै टुंगिन्छ होला

हत्या, हिंशा दिनहुँ नै गाउँ शहरमा भइरहेछन्
कानूनलाई मिचेर, सबुत, प्रमाण छोपिन्छ होला

नयाँ सपनासँगै रहर नयाँ छ
हराएर गाउँ घर शहर नयाँ छ
लक्ष्य हिंडिरहेछ लक्ष्य बिहीन
आँशु पिएर ज्युने कहर नयाँ छ ।

कसरी बनाउँछन पिरतीको फूल मैले देखेँ
मुटुमा बिझाउँने मायाको असुल मैले देखेँ
खुल्ला आकाश जस्तै सम्झन्थे त्यो मायामा
खुसीलाई बेचेर आँसु बटुल्ने भूल मैले देखेँ।

माया के हो परिभाषा, फुर्नै सक्या छैन;
चित्त बुझ्ने अर्थ पनि, जुर्नै सक्या छैन ।
(१)

मेल बिनै बाँच्ने हिजो, प्रेम गर्ने जोडी,
आफ्नै बीचको दुरी पनि पुर्नै सक्या छैन ।
(२)

खोजिरहेछ, देशको सीमा हराएको हाम्रो कान्छा
शोषित र पीडितले मन पराएको हाम्रो कान्छा ।

दुई जातमा एक पुरुष अर्को नारी भन्दै
समाजमा पहिलोपल्ट कराएको हाम्रो कान्छा ।

एक

पहिलो पटक पुगेकी थिए रामेछापको भँगेरीमा
खुशी र पीडाको आँसु झरे गंगालालको घडेरीमा
तिम्रो योगदान ब्यर्थै खेरा गए जस्तो त्यो भान हुँदा
भक्कानिदै गाठो पर्‍यो जिग्यासुको मनको मझेरीमा

१
संध्या आकाश
चित्र थरीथरीका
मन्त्रमुग्ध म !

१)
के दिउ तिम्लाइ
उपहार खुसीमा
चैत बैशाख
२)
यौवन तिम्रो
छ्ताछुल्ल पोखियो
उभार शुन्य

मुक्तक(१)

कुनै ढुङ्गा मन्दिरमा छ कुनै बगरमा,
कुनै फुल शिरमा छ त कुनै पतकरमा,
तिमी र म यकै मानव प्राणी नै हौ,
तर तिमी कहा छौ म कहाको बस्तिमा।

मुक्तक(२)

सायद तिमिले भुलेउ कि रिसाईछौ हो अचेल,
देख्दिन त फेसबुक इन्स्टामा कता छौ हो अचेल, बिरामी पो परेउ कि आइडि पो बदलेउ कतै,
तिम्रै गुड नाईटले निदरी आउथ्यो तेहि मेसेज कुरि बस्छु म अचेल।

मुक्तक(३)

मरुभूमिमा तड्पियको प्यासी हु म, तिम्रै लागि मर्ने पागल प्रेमि हु म,

मुक्तकः १

निहुरिएर आँगन नबढार नानी भोका आँखा पर्न सक्छन्
छुन ता के पाऊन् हेरेरै गर्नु नगर्नु गर्न सक्छन्
अलिक सतर्क भएर यो काम गर्नु नानी
तिनका कामुक अउँसाहाहरु तिम्रो छातीमा सर्न सक्छन् ।।

१
माथि परेवा
तल एउटी मैयाँ
टिलिक्क स्तुपा ।

२
बिजुली तार
लौ ! पोथी वरिपरि
नाच्दै परेवा ।

१
नगर बस
नहेरुँ भन्दा पनि !
उसको अोठ।

परिभाषामा जिन्दगी अटाउन नखोज।
परेलीमा आँशु लुकाउन नखोज।

बुझिन्छ रहस्य आखिर सबै,
अचानोमा दाउ लगाउन नखोज।

हारै हो प्रेम सधैँ,
झुठो जित देखाउन नखोज।

बिर्सनु छ जिन्दगीलाई जिउन,
प्रेमील याचनाले सताउन नखोज।

बितेका कुरालाई कहिल्यै यसरी,
प्रिय नयन जताउन नखोज।

कति सजिलै बहाना खोज्छ मान्छे!
अन्ततः आफ्नै चाहाना खोज्छ मान्छे!

स्वार्थमा यति लिप्त भएको छ,
खै कस्तो निशाना खोज्छ मान्छे?