विविध-विधा

मनले चाहेमा प्रीत सधैं हुन्छ
प्रेमीहरूको जीत सधैं हुन्छ
दुवैको चोखो माया भएपछि
प्रेमीहरूको जीत सधैं हुन्छ

कलाकारको सुन्दर कृति हौ अरे
प्रेमीहरूको सुन्दर प्रीति हौ अरे
तिमीभन्दा सुन्दर छैन केही भन्छन
परीको सुन्दर स्मृति हौ अरे

बर्षायाममा झर्ने झरी हौ तिमी
मेरो लागि स्वर्गको परी हौ तिमी

नेताहरू थरी थरी बात फेर्नु पर्यो
संबिधान लेख्छु भन्ने हात फेर्नु पर्यो
समयमै संबिधान लेख्छौ लेख्दैनौ
होइन भने जनताले साथ फेर्नु पर्यो

युगले कोल्टो फेरे पनि तिम्ले तोड्न सकेनौ खै
कति पुज्य स्वामी तिम्लाई संस्कार मोड्न सकेनौ खै

रात दिन त्यही काम छ चुलो चौको वरिपरि
पिएपछि स्वास्नी कुट्ने बानी छोड्न सकेनौ खै

नसा पिउनेको बास यहाँ
धेरै जसो बदमास यहाँ ।

नैतिकतालाई पाखा फलेर
फोड्न उठे अकाश यहाँ ।

वचनले त एक हँ भन्छन
भित्रभित्रै गर्छन नास यहाँ ।

नयाँ बर्ष तिमी खुशीको अंकुर लिएर आउँछ्यौ कि
बेसुरमा छ रे देश एक शुर लिएर आउँछ्यौ कि

कतै छिटा रगतका, गन्ध कतै बारुदका छरिए रे
चाहिएन सुनको लंका कान्तिपुर लिएर आउँछ्यौ कि

पाइला पाइला हाबी भयो, कपट निति भन्छन
सकुनीको बिगबिगी भो रे, बिदुर लिएर आउँछ्यौ कि

आसाको किरण सिएर मनाऊँ नववर्ष
रमाउदै साथीसँग पिएर मनाऊँ नवबर्ष

तिम्रो मुटु मेरो मुटु एकै ठाउमा राखौं, हुन्न ?,
दुई मुटुको मेलपछि संसारलाई हाकौं, हुन्न ?।

दिन बित्यो महिना बित्यो थाहै नपाई बित्यो साल,
अब भने बिचार गर मन गाठो पारौं, हुन्न ?।

नयाँ नयाँ खुशीहरू बोकी आऊ नयाँ बर्ष
दु:ख पीडाहरू सबै रोकी आऊ नयाँ बर्ष

असत्यले रजाइँ गर्छ सधैं सधैं मेरो देशमा
असत्यको टाउकोमा ठोकी आऊ नयाँ बर्ष

नब बर्ष तिमी आउदा खुशी बोकी आऊ
हत्या हिंसा बलात्कारको बाटो रोकी आऊ ।

नेपालीको चाहाना त्यो नँया कानुन बन्ने
जेठ १४ निश्चित गरी मिति तोकी आऊ ।

एक अंजुली माया दिन्थे जात भिन्ना भिन्नै !
तिमी पर्‍यौ कुल घरानकी, बात भिन्ना भिन्नै

मेरो हातको चल्ने भए बाँथे आधा गास पनि
बार्न खोज्छिन् चुलो चौको, भात भिन्ना भिन्नै

६७ मा जे भो जे भो ६८ मा यस्तो नहोस्
कसौंडी र डेक्चीको मोल ‘चम्चा’भन्दा सस्तो नहोस्

बगलीमा छुरा राखी मुखमा मात्र ‘राम’ नहोस्
सबै चलुन बिधिभित्र कुनै छलछाम नहोस्

सिर्जनाका कुची कलम बाँदरको हातमा नहोस्
न्यायधीशको शरीरमा ‘जल्लादको आत्मा’ नहोस्

थाहा नदिई सम्बन्धमा पाटो फेरिदियौ
मैले गल्ती के गरें र ? साटो फेरिदियौ
मेरै घरको बाटो हिंड्थ्यौ हाँसी हाँसी पहिला
किन आज-भोलि तिमी हिंड्ने बाटो फेरिदियौ

धेरै पहिले
एक पटक सँगै
घुमेका थियौं

मलाई सम्झी भक्कानो नफुटाउनू आमा
पीरै पीरले खुशी सबै नलुटाउनू आमा!

छोरो फर्की आउँछ भन्ने आशै आशको
सासे त्यान्द्रो कहिल्यै पनि नटुटाउनू आमा!

उही पुरानो पहिरनमा छौ कि चोली फेर्यौ प्यारी
कति मलाई पर्खिएर रुदै बाटो हेर्यौं प्यारी,

रातो पोते, रातै साडी वर्ष दिनको यो तीजमा
तिमी मेरै बाटो हेरिकन पहिरन बेर्यौ प्यारी,

मेरो बाटो पर्खिएर ओठमा मुस्कान छर्दै होलिन्
तस्विर हेरी आँसु पोख्दै घुक्क घुक्क गर्दै होलिन्

विछोडको वियोगमा मुर्छा पर्दै एक्लै बस्दा
याद आउदा मलाई हेर्न बेसि तिर झर्दै होलिन्

कहिले आउँछ आनन्दको दुई छाक खाउला भन्दै
भोक भोकै आधी पेटमा काम गरी मर्दै होलिन्