विविध-विधा

सपनीमा नदेखेको रात हुन्न कहिल्यै पनि
बिपनीमा भेट हुन्छ बात हुन्न कहिल्यै पनि

मन पर्छ माया लाग्छ मायालुको जात एउटै
पिरतीमा सानो ठुलो जात हुन्न कहिल्यै पनि

किन होला मेरो रहर तिम्रो मनमा फुल्छु भन्छ
हात समाई साँझ बिहान तिमीसँगै डुल्छु भन्छ ।

सपनामा देख्छु तिमीलाई सपनामै रमाउँछु
बिपनामा तिमी देख्न जोडी नयन खुल्छु भन्छ ।

मौसम–हावा आज किन, चुप देख्छु म?
चारतिर केवल तिम्रो, रुप देख्छु म ।

आकाश छोडी चन्द्रले, धरती झरेपछि,
धरतीको बेग्लै आज, स्वरुप देख्छु म ।

सवाल : मिथिला प्याकुरेल
मेरो घरमा शङख बज्दा त्यसको तालमा नाँच्नु तिमी
म त मरेर माटोमा मिल्छु युगौं युग बाँच्नु तिमी

जवाफ : रामकृष्ण पौडेल अनयास
तिमी मरेर म ज्यूनुमा कस्को लागि बाँच्नु अब
मेरो पनि शंख बज्यो सँगै चिता गाँस्नु अब

तिनको लवज उही छ, नारा पुरानो
तिनको लागि पाटी पौवा धारा पुरानो

के बन्ला गाउँ के बनाउलान् शहर
चाहियो पद कुर्सी अभिभारा पुरानो

हिजो साँझ बजेको सातको कुरा नगर भो
नशा लाग्ने प्रेमको मातको कुरा नगर भो

नसम्झाऊ सँगै भा’को जङ्गलको बीचमा
रुखका हाँगा बिछ्याएका पातको कुरा नगर भो

तिमीलाई दिन धेरै प्यार राखेको छु
तिमीलाई भेट्ने इन्तजार राखेको छु

पन्चेबाजा बजाई दुलही बनाउन
भाडा मा मैले कार राखेको छु

भबिस्यकै कल्पना मा रमाउन थालिसके
अनुमानित सन्तान चार राखेको छु

देखिन्छु बुढो वन्ने मन को डर
अनुहारको धेरै स्याहार राखेको छु

जुनदिन तिमि राजी हुन्छौ अनमिनलाई
जेठी छोड्न छोडपत्र तयार राखेको छु

नया उमङ्ग जोसिलो तिम्रो
ओठ को अमृत पोसिलो तिम्रो

लगाउछौ तिमि चोली र फरिया
छोटो फरिया अनि चोली कसिलो तिम्रो

१६ को जोबन आँखै गाडिने
पिउ झैँ लाग्ने यौवन रसिलो तिम्रो

तिमीलाई हेर्दा कति मदहोस भए
चिटिक्क अनुहार हसिलो तिम्रो

किन लाग्छ तिम्रो नज़र को बन्दि बनु
तिम्रो हात सिंगार्ने रंगिन मेहन्दी बनु

मा तिम्रो शिव तिमि पार्वती मेरी
तर तिमीलाई बोक्न लाग्छ म नन्दी बनु

यी गरगहना देखि इर्षा लाग्न थाल्यो
यस्तो लाग्छ म बुलाकी बनु सिरबंदी बनु

तिमीलाई छोइराखने कस्तो इच्छा मेरो
तिम्रो लाज छोप्ने लाग्छ म चौबन्दी बनु