विविध-विधा

जन्मेपछि बाच्नै पर्यो बाँच्नलाई खानै पर्यो
देशमा छैन केही मेसो अनि विदेश जानै पर्यो ।

मेरो प्रेम पत्र पढी मन कहिल्यै नदुखाउनु
गल्ती मेरो कुनै भए आँसु बगाई नसुक्सुकाउनु,

आफैंलाई थाहै नदिई मनले, तिम्लाई मन पराएछ
यो मन मात्रै यस्तो हो कि तिमी कुरा नलुकाउनु

उमेर छँदै मोज गर जोवन कति लुकाई राख्दछयौ
अँगालो मै राखी माया, गर्नेलाई नचुकाउनु

जीत खोज्छन अरु सबै खुसीसाथ हारें मैलें
पराईलाई मार्छन सबै आफैलाई मारें मैले

आफू खुसी तिमीलाई आफ्नो गगन बनाउँदा
विस्मातका बर्षातहरू आफैंमाथि झारें मैले

देशको लागि पसिना मैले बगाउनै बाँकी छ
गरीबी पीडा रोदन त्यहा भगाउनै बाँकी छ ।।

फाटेको चोली फरिया दौरा घाम पानी छेक्दैन
च्यातेको फ्याँकी पौरखी नयाँ लगाउनै बाँकी छ ।।

रुपै राम्रो मोहनी छ तिम्रो बोलीभित्र
कति मिठा फल कान्छी तिम्रो झोलीभित्र ।

अंगालोमा बिताएका अनगन्ती रातहरूमा
के के दिन्छौ फेरी राख्छौ तिम्रो चोलीभित्र ।

-१-
हावाको झोका
बिहानको प्रहर
शीत रमायो

-२-
एकान्त वन
कोइलीको आवाज
रुखको प्रीति

आन्दोलन र बन्दुक त्याग मातृभूमि चर्किएछ
नेपालीको मात्रै होइन देशकै मुटु थर्किएछ,

अस्ति आमा हिजो छोरा बमबारुदले ढल्दा खेरी
शान्ति ल्याउने बुद्धको नि मन आज तर्सिएछ,

जिउदै मान्छे काटेरनै बलिदिन लागे यहाँ
धर्ती सारा रक्ताम्य भो मान्छे काटी छर्किएछ,

बितेको पुरानो, कहानी याद आयो ।
फक्रेर झरेको, जवानी याद आयो ।

दुख्दा त स्वभाविक हो दुखाउँदा मन चसक्क भो ।
लुक्दा त स्वभाविक हो लुकाउँदा मन चसक्क भो ।

बल्ल बल्ल जिन्दगीमा एक पटक आएको मौका
चुम्दा त स्वभाविक हो चुकाउँदा मन चसक्क भो ।

गाठो पारी राखेको मन भित्रको भित्री रहस्य नै
फुक्दा त स्वभाविक हो फुकाउँदा मन चसक्क भो ।

होली खेल्न गए म त बहानाको दिन थियो
कसै सग नाता गास्ने लहनाको दिन थियो ।१।

दुष्ट नाश गर्ने पर्ब भन्छन सबै होली
बिरुपी नै पारी दिन्छन रंग सबै घोली ।

दिलमा उनकै तस्बिर राखे मेटाइदियौ किन
कोमल यो मुटु मेरो रेटाइदियौ किन !!

काँचो धागाको तानमा हत्यौरी बाट्छ – राजनीति
नेपाल उन्छु त्यसैमा भनेर ढाँट्छ – राजनीति !

अपराधभित्र हुन्छ ऊ, ऊभित्र हुन्छ अपराध
निरापराध मान्छेहरूलाई काट्छ – राजनीति !

कहिल्यै मायाँ लाग्दैन उल्लाई टिकुलियाको
टिकुलियालाई मिच्नेकै जुत्ता चाट्छ – राजनीति !