विविध-विधा

पाएको थें खुशी सारा दिलाउने साथी
च्यातिएको मुटु सँगै सिलाउने साथी !

थाहा छैन कहाँ गयो, कता हरायो –
उकालीमा चिसो पानी पिलाउने साथी !

सिमलीको छाया मुनि सितलमा बसी
निदायो कि घैया बारी जिलाउने साथी !

सालको पात बजाउँदै झर्यो कि त बेसी
दु:ख परे पनि सधैं झिल्मिलाउने साथी !

सेती हो जिन्दगी काली हो जिन्दगी ।
बग्न नजाने गन्दा नाली हो जिन्दगी ।।

दुनिया हेर्न फराकिलो नजर चाहिन्छ
ठाउँमा पुग्न भरोसाको सफर चाहिन्छ

मरूभूमिमा परे र त गजलकार भएँ
बूँदको निम्ति मरेँ र त गजलकार भएँ

गजल पैला सुनौँ नत भन्ने स्रोतामा
सलाम पैले गरेँ र त गजलकार भएँ

हुन त तिमीसँग एक रात माँगेको हुँ
एकै रातमा जिन्दगीभरको साथ माँगेको हुँ

१)असार
हिले खेतमा
गुन्यु छोटो पारेकी
खेताल्नी दिदी

काली आज कहाँ गई चौतारीमा आउँदिन कि ?
माया गर्छु भन्थी हिजो चोखो माया लाउँदिन कि ?

मेला पात दाउरा घाँस सल्लेरीमा गाई चराउँदा
पात बजाउदै गित उसले हिजो आज गाउँदिन कि ?

सातु चिउरा लिई आउँथी बन पाखामा गाई गराउँदा
माया गरी आफैं हातले काफल गेडी ख्वाउँदिन कि ?

तड्पिरा’को यो मनलाई अझै कति जलाऔँ म
आफैंलाई आफैंभित्र कति दिन छलाऔँ म ।।

पीडाहरू बल्झिदिँदा आँसु त्यसै झरिदिँदा
निर्जीव यो ठुटो शरिर कति दिन चलाऔँ म ।।

साँझपख एकान्तमा तिमीलाई भेटुँ लाग्यो
एक आपसको धैर्यताको रेखा मेटुँ लाग्यो ।।

आफू मात्र बाच्नलाई हजार चोटी मर्छ मान्छे
छक्का पन्जा नानाभाँती तिगडमहरू गर्छ मान्छे ।

म नै ठुलो जान्ने भन्छ अहंकार बोक्छ सधै
स्वार्थ पूर्ति गर्नलाई सारै तल झर्छ मान्छे ।

नांगै आयो यो धर्तीमा नांगै हुन्छ जाँदाखेरी
के सोच्छ खै आफूलाई आफ्नै कुटी भर्छ मान्छे ।

प्रिय ! तिम्रो आँखा पनि यति पोखियो कि आज
त्यही आँसुले मेरो सबै पाप चोखियो कि आज !

झरी पर्न थालेपछि तिम्रो आँखामा-
धरतीमा घाम आउने बाटो रोकियो कि आज !

दुवै मिली जोड्यौं कति मायाँ जिन्दगीमा-
जोड्दा जोड्दै मायाँ सित मायाँ ठोकियो कि आज !

१
जोख्न सकिन
सामान जस्तै मैले
उनको माया

२
जोतिएको छु
गोरुभन्दा नि बढी
जापानी काम