काली आज कहाँ गई चौतारीमा आउँदिन कि ?
माया गर्छु भन्थी हिजो चोखो माया लाउँदिन कि ?
मेला पात दाउरा घाँस सल्लेरीमा गाई चराउँदा
पात बजाउदै गित उसले हिजो आज गाउँदिन कि ?
सातु चिउरा लिई आउँथी बन पाखामा गाई गराउँदा
माया गरी आफैं हातले काफल गेडी ख्वाउँदिन कि ?
तन भरी कुदाउँथी कोमल ती हात उसका
शहरमै भुली भन्छन उसको स्पर्स पाउँदिन कि ?
जुन भनी सधै उसलाई नयनाकाशामै सजाउँथे
साँचै अब जुन बनी यी आँखामा उदाउँदिन कि ?
तीर्थ”यात्री”पौडेल
लखनपुर ३ झापा,नेपाल
हाल;बहराइन
२०६७/७/१०