बैशाखपछि आउँदो जेठमा के हुन्छ यस्तै छ खुल्दुली
हावा मात्र भरिएको यो पेटमा के हुन्छ यस्तै छ खुल्दुली
मर्नेहरू सहिद भए शालिक र तस्बीरको लामो सूची छ
बाँच्नेहरूका लागि आउँदो बजेटमा के हुन्छ यस्तै छ खुल्दुली ॥
यो मनको पीर भन्न भा’छैन
गडेको छ तीर भन्न भा’छैन
आँखा कहिल्यै ओभानो भएन
कति बगे नीर भन्न भा’छैन
बेचैनीमा सास बढ्न थाले
मन छैन थिर भन्न भा’छैन
पीरको भारी कहाँ बिसाउ?
छ केवल आफ्नो भन्नु एक मुठी सास मात्र
आफनै भनेर घाटी रेट्ने बिरानो प्रबास मात्र
नहारे आउला जिन्दगीमा फर्केर तिम्रै दुनियामा
छ फगत् तिम्रै बनेर जितने मिठो आश मात्र
दौरा सुरुवाल ढाका टोपी खुकुरी निशानी