विविध-विधा

एकको चाह पुर्याउन अर्को मार्नु भूल हुनेछ
हरियाली फुलबारीमा काडा सार्नु भूल हुनेछ

आफ्नो मात्रै हैन खुशी अरुको नि मन हुन्छ
अरुलाई रुवाएर कैले पापमा पार्नु भूल हुनेछ

१)
स्वरुप जस्तै
शरीर फेरीको छ
आत्मा उही

२)
याम फेरयो
मौसम फेरिएन
बादल जस्तै

थाहा छैन जिन्दगीमा, कति गल्ती हुने होला
सम्झिएर तिनै गल्ती, अनि कति रुने होला

किन उड्छ यो मन, मसँगै भागी हरपल
खुशी को त्यो एक पल, कहिले पो छुने होला

१)
भन कुन मन्दिरमा छौ या दरबारमा छौ
या तिनै बेइमानहरुको हाट बजारमा छौ
हो कस्तो इन्साफ यो, हे भगवान तिम्रो
म अचानोमा छु तिमी चैँ तरबारमा छौ ।

टुक्रेको मुटु वियोगमा मैले, बटुली राखेको छु
प्रेमको बदला पाएको चोट, असुली राखको छु

मर्नु त पक्कै पर्छ एक दिन, अमर यहाँ कोही छैन
सुकेको बोट नसोची हुँ अमर फुली राखेको छु

तिम्रो रुपको अगाडि अरु फिक्का लाग्छ
मलाई तिम्रो रुप नै सुनको सिक्का लाग्छ
छोडेर जान्छु भनेर कहिल्यै नभन है प्रिय
तेस्तो बेकार कुरा सुन्दा मलाई दिक्का लाग्छ

अाशिष चौधरी
कपिलवस्तु

गहभरि आँसु लिदै उनले बाटो रोकेको दिन
याद छ मलाई परदेश पस्न झोला बोकेको दिन

बिदाइका हात हल्लाउँदै उनीबाट छुटेपछि
पर पुगि आँसु धारा भुइँमा पोखेको दिन

अतीतका ती यादहरु सम्झी रून्छु अचेल
तिम्लाई नदेख्दा तिम्रौ फोटो छुन्छु अचेल
तिमि त अर्कै सँग खुसी भइ बेचिरहेकी
छौ म चाहि हरेक पल उदास हुन्छु अचेल
अाशिष चौधरी
कपिलवस्तु

सेवा नै धर्म हो जागिरमा पुग्नै पर्ने दश बजेपछि
नोकरीमा नातागोता सबै भुल्नै पर्ने दश बजेपछि

म फलानो यो ऊ भन्दै परिचय छाड्दै टाढा टाढा
द्रुत सेवा मुस्कानले, प्रवाह गर्नै पर्ने दश बजेपछि

साहित्यका प्रणेता यो देशमा रुँदैछन्
दुर्भाग्य भन्नु पर्ला मोती हराउँदैछन् ।।

हामी सबै हरायौं संस्कार झन् हराए
यस्तो अचम्म देखी मोती कराउँदैछन् ।।

प्रज्ञा छिरेर धेरै मुर्दाहरु बसेको
देखेर भित्र भित्रै मोती डराउँदैछन् ।।
होम सुवेदी

मेरो मायाभन्दा तिम्रो माया ठुलो भए
म तौली दिन्थेँ माया जोख्ने तुलो भए
मरी जाउँला झुट बोल्या छैन कान्छी
तिमी प्रति मेरो यो माया खुकुलो भए

हत्या अपहरण बलात्कार र मारकाट कहिले रोकिएलान्
सुलीमा चढाएर अपराधीका हातमा काँटी कहिले ठोकिएलान् ।।

न्याय किन्न लाम लागेका अपराधी नारा लगाउँदालगाउँदै
प्रलोभनमा परेका कथित न्यायमूर्तिहरू कहिले चोखिएलान् ।।

औंशीको रातलाई झिलमिल बनाउँछ
ऊ आएर साँझलाई मेहफिल बनाउँछ

प्रेम शक्तिशाली छ भन्ने उदाहरण हो
त्यो नाथे पत्थरलाई त दिल बनाउँछ

निर्दोषलाई हत्कडी लाउने आधार खोज्छ सरकार ।
न्याय माग्दा खेरि उल्टै कारागार खोज्छ सरकार ।

हिजो बहिनी बलात्कार भई आज भाइ मार्यो कठै,
राहतमा बन्दुक तेर्स्याई अत्याचार खोज्छ सरकार ।

जन्मदै कर लाग्यो फालिदेऊ है आमा
जन्मीहाले चर्पीमा हालिदेऊ है आमा

मोज गरेर बोज बोकाउने गद्धारी मेरा,
अपराधी बाबालाई ढालिदेऊ है आमा

गयौ तिमी, मन शून्य छ
निवास, आँगन शून्य छ

सहस्र दर्द छ देहमा
छ रुद्ध धड्कन शून्य छ

मन्द मन्द प्रकाश छायो राति सपनीमा
हिस्सी काले केटो आयो राति सपनीमा

अपरिचित अनुहारले चिने जस्तै गरी
मेरै नामले बोलायो राति सपनीमा

सारै धामा गर्दा पनि ग बिताउन पाइन
क विताउँदा एक तुर्को माया पिर्ति लइन
क विताउन अब छाडी ग बिताउन थाल्छु
बरु एउटा गिजाेल्नलाई घाँस हाली पाल्छु ।।
ग बिताउने गँड्यौला उम्रिए
अाफू भने हेरेकाे हेरेकै ।

क बिताउने कुरा यसै हराएछ आज
हामीलाई क बिताउँदा सारै लाग्छ लाज
गिजोलगाजोल लेख्न अब हामी घुँडा टेकौंं
त्यसैभित्र संसारको महाभाष्य लेखौं ।।
गजल लेख्यो तल्लारे साइँलाले
आफू भने हेरेको हेरेकै ।।

कुनै लाग्छन् सफा सुघ्घर कुनै लाग्छन् जुम्रे
ग बिताउने आज भोलि गावैं भरि उम्रे
लेख्नै मात्र कहाँ हो र गाउँछन् अझ यस्तो
पक्का भैंमा बूढो भैंसी छेर्दैछ कि जस्तो ।
गाजलेले यो देश खाएछन्

के के होलान ब्रत बसी भाकेका कुरा
मन्दिर गई देउता सँग मागेका कुरा

भन्दिए भैगोनी मलाई खुलेर आज
के के छन् त्यो मन भित्र साँचेका कुरा

न यारमा उभिएँ न प्यारमा उभिएँँ
म त वस् उभिएँ मझदारमा उभिएँ

बगिगए सागर चुम्न कति नदिसङ्गै
म हेर्दै सपनाहरू किनारमा उभिएँ