विविध-विधा

तिम्रो आकांक्षा
विद्यमान परिवेश
नदीको माझ ।

फैलियो माया
फेसबूके पिरती
क्षण भरमै ।

डोर्‍याउन सक्दैनौ भने, हात नदिनु
चसक्क मुटु बिझाउने, बात नदिनु

लडिसकेछु म तिम्रो साथ माग्दै गर्दा
अँझै झर्ने र लड्ने गरी, लात नदिनु

माथ झुक्छन् सँधै सम्मानमा तिम्रो
नाम लेखें गजल चट्टानमा तिम्रो ।।०१।।

स्वाद चाखौं सबै साथी यता आऊ
गर्छु स्वागत मिठो मुस्कानमा तिम्रो ।।०२।।

कर्मचारी कहाँ माग्छन् सिधै पैसा?
साथ तिम्रै छ है घुसखानमा तिम्रो ।।०३।।

आँखाभरि टिलपिल आँसु पार्दै म परदेश आएँ
जिन्दगीलाई सात समुद्र तार्दै म परदेश आएँ ।”

मिठो पिठो जे भएनि बाँडी खाउँला सँगै भन्थे
नयनबाट बलिन धारा झार्दै म परदेश आएँ । ”

मुसाफिरलाई एकैचोटी हात किन दियौ
एक्लै थिएँ जाति थिएँ साथ किन दियौ

तिम्रो बोझ केही हदमा मैले पनि लिएकी छु
तिम्रो साथ भागय ठानी खुशीमा नै जिएकी छु

जीवनका हरेक मोडमा कुनै दिन नहौ टाढा
ठान तिमी टाढा हुँदा जह र मैले पिएकी छु

परेवाको जोडी जस्तो नमुना यो सहयात्रा
तिम्रो हर गन्त ब्यमा साथ मैले दिएकी छु

१. योग्यता
स्कुल बिस्कुनझैँ छरिएको छ
क्याम्पस ‘टायम पास’ भएको छ
रोजगार बन्न चाउचाउ नै किन्नु परेपछि
योग्यता र दक्षता सबै धराशायी बनेको छ

मलाई यिनै डाडापाखा, बन प्यारो लाग्छ
मेहनती हात अनि, जीवन प्यारो लाग्छ

सक्छौ भने पराई हैन, आफ्नो बनी देखाऊ
मायारुपी बानी, आफ्नोपन प्यारो लाग्छ

तिमी बाट छुट्टिएर बाच्ने साहस छैन म सँग
तिमि लाइ बिर्सिएर जिउने आधार छैन म सँग
सजिलै मलाइ बिर्सिदिनु भन्दै गयौ तिमि त
तिमि लाइ भुलाउन पिउने जहर छैन म सँग..

तिमी त भेट्दा रमाइ रमाइ कुरा गर्छौ तर,
तिम्रो अघि बोल्न अब कुनै शब्द छैन म संग
तिम्रो झै सधैं रमाउन रबरको मुटु छैन म संग
तिमि लाइ भुलाउन पिउने जहर छैन म सँग..

म आज आफ्नै पिडामा छट्पटाइ रहेको छु
यो दुःखाई कम गर्ने म संग कुनै औषधि छैन
सजिलै मलाइ बिर्सिदिनु भन्दै गयौ तिमि त
तिमि लाइ भुलाउन पिउने जहर छैन म सँग..

मरुभूमि तराई हुन्छ विदेशिएपछि
आफन्त नि पराई हुन्छ विदेशिएपछि
छातीभित्र स्वदेश बोकी पैसा खोजी हिंड्दा
पल-पल मराई हुन्छ विदेशिएपछि

तिम्रो मेरो सम्बन्ध अघि नबढ्ला जस्तो छ
विवाद अरु बढ्नुभन्दा नाता तोड्ला जस्तो छ ।

भावीले लेख्छन् रे सम्बन्ध म विश्वास गर्दिन
तिम्रो मेरो नाता खोज्न माथा फोड्ला जस्तो छ ।

सम्झनामा आऊने सँधै कस्ती रैछे मोरी,
दिलमा बस्न आँखैबाट पस्ती रैछे मोरी,
कसम होला यती राम्री छिन् की ऊनी,
बँगैचामा फुलेसरी फुलै जस्ती रैछे मोरी।

म त्यै आँगनमा उभिइरहेछु – नाच्न भनेर
जहाँ मान्छेहरु मरिरहेछन् – बाँच्न भनेर

जुन हाँगोमा जिन्दगीको हाँसो फुल्दैछ
त्यै हाँगो सबैले समाती रहेछन्- भाँच्न भनेर

तिमी र म सँगै भको पूर्णिमाको रात प्यारो
मेरो मन छुन खोज्ने मिठो तिम्रो वात प्यारो

हरपल हामीसँगै जीवनलाई अघि बढाऔं
हरेक पलमा साथदिने सहयोगी हात प्यारो

केही भन्दा नरिसाउने तिम्रो कोमल हृदय छ
मत्ताउने तिम्रो बोली मलाई त्यही मात प्यारो

एक)

पहाड फोडेर देशमा, रेल कुदाउने मेरो सपना
गाउँ बस्तीमा विकासको, भेल कुदाउने मेरो सपना
कहिले पुरा हुन्छ त्यो त, समय आएसी भन्छु हजुर
देशका सबै भ्रष्टलाई, जेल कुदाउने मेरो सपना

विवशताले बालुवामा अन्न देख्नेहरू
बालुवामा अन्न खोज्दा जीवन भेट्नेहरू
संसारकै सफल अनि महान लाग्छ मलाई
अभावलाई छिचोलेर शिखर टेक्नेहरू

जिन्दगीको के नै दोष त्यो तक्दिरलाई सोध
सधैँ पुज्ने त्यो द्यौता र मन्दिरलाई सोध

ठूलो ठूलो तिम्रो इच्छा पूरा गर्ने सम्बन्धमा
म गरिबलाई के सोध्छौ त्यो अमिरलाई सोध

बन पाखामा लाली गुरास फुलेकै देख्छु
कुलतमा परि मान्छे झुलेकै देख्छु

जिउदा यम राजहरु घुम्दै सहरमा
खुलेआम ड्रग्स बेची डुलेकै देख्छु ,