पद्य कविता

बिनी बिनी बीउ सजाउँछु
दिलको सलिल छरेर भिजाउँछु

बिरुवा बहुत बढाई,
जीवनभित्र सुगन्ध भिजाउँछु
कलिला फूल फुलाई
उमङ्गहरूमा म वसन्त फुलाउँछु
नव मलयपवन बहाई ।

२१औ शताब्दीको म भाग्यमानी
त्यसमाथि नेपालको राजधानी
हाहाकार यहाँ, सधैँ त्राही-माम
परिचय नै हराएको म बेनाम

अपरिचित छन्, नखोज मित्र
भरोसा छैन नबस मनभित्र
स्वार्थ हरदम, व्याप्त सर्बत्र
हत्या ईमानको, सत्य अलपत्र

राम्रो हेर्दै पुलकित हुँदै रम्यतामा रमायो
यौटा यात्री सरलपथको भव्य यात्रा समायो
नौला-नौला अनुभव कला जिन्दगीमा लिएर
कोठाभित्रै चलमल बिना बाँच्नु घाटा खिएर

भोग्नै राम्रो प्रकृतिरसमा जिन्दगीका बहार
आँखा हाम्रा अपलक सदा देख्न राम्रो अपार
टाढा-टाढा, नव-नव कला देख्नलाई हतार
घुम्ने,हेर्ने सुअवसर यो-लाग्छ यो हो असार

साथ दिन्छ्हु भन्थ्यौ मलाई
अन्तिम श्वाससम्म पनि
तिमी फूल म भमरा भनी
आउथ्यौ सधैं रवि बनी

बिश्वास यति गरें तिमीलाई
त्योभन्दा पर सत्य थिएन
जलायौ मेरो हृदय तिमीले
शरदमा पनि शितल मिलेन

बोल्न पनि “औंशी, पुर्णे”
आउनु पर्ने रहेछ तिमीलाई,
चिप्लो चाप्लो बोक्दै “हजुर”
लाउनु पर्ने रहेछ तिमीलाई ।

हट्यो सारा हिलो मैलो
हरायो पानीको वर्षा
भवानीको भयो पूजा
चल्यो आनन्दको वर्षा

पार्टी पार्टी नेपाली गर्छन सामना,
छैन कतै कसै प्रति शुभकामना !
शुभकामना मेरो शुभकामना,
नगर भो सामना, शुभकामना !!

सबै पार्टी मिली जुली देश बनाऊ ,
विरोधको लागि विरोध गर्न नजाऊ
फूलको बोट रोपेर मल जल गर,
अन्त्य गर रिसको, भो भो नलर !

आकाश धर्तीको के राख्नु सम्बन्ध हाम्रो
डोरी म तोड्छु,तिमी नयाँ बाटो लैजाउ ।।
क्षितिज शहर छोडि टाढा-टाढा जादैछ
दु:ख मेरो भागमा,सुखको पाटो लैजाउ ।।

गहभरी बिषादि पालेर,परेली नभिजाउ
आत नभिजेन, एक झरी बर्षात लैजाउ ।।
उपवन सधैं ढकमक्क भईरहोस् तिम्रो
मन चुडेर दिएको छु,यो सौगात लैजाउ ।।

तिमीलाई हर पल सम्झने गर्छु
मुटुको हरेक धड्कन सँगै

हरेक मीठा पललाई समेट्ने गर्छु
समयको चालको दौडाइ सँगै

रातदिन कुटोकुम्लो गर्ने गाउँलेहरू
जति जोताए पनि मुस्काउने गाउँलेहरू
भोकभोकै बगेका पसिना सुकाउनेहरू
मन भरीको दुःख आफैभित्र लुकाउनेहरू

तर पनि भोलिको मिठो आशमा रमाएकाहरू
एक्कैछिन आनन्दले हातगोडा फिंजाएकाहरू
आज अलपत्र यत्र तत्र छरिएका छन्
कति त माटो मुनी त्यसै पुरिका छन् ।।

यसपाली पनि सकिन आउन
यसपाली बुबा सकिन आउन मुख हेर्ने औंसीमा
नहेर्नु बाटो आउछ कि भनी बसेर कौसीमा
बर्ष र दिनको रमाइलो चाड बाउको मुख हेर्ने दिन
दुरीले पर बसेनी बाबा सम्झन्छु छिनका छिन
सबैका घर आउदा हुन आज लिएर कोशेली
सम्झेर म चाहिं विदेशमा आँखा पारेर बलेसी
यसपाली बुबा सकिन आउन मुख हेर्ने औंसीमा
नहेर्नु बाटो आउछ कि भनी बसेर कौसीमा।