राष्ट्रव्यापी प्रतियोगितामा मुक्तक पठाउने म्याद थपियो
काठमाडौं– अन्तरङ्ग राष्ट्रिय साप्ताहिकले आफ्नो २०औं वार्षिकोत्सवको अवसरमा भदौको पहिलो साता(२ गते) पुरस्कार वितरण गर्ने गरी आयोजना गरिएको राष्ट्रव्यापी मुक्तक(दोस्रो) प्रतियोगिताका लागि मुक्तक पठाउने म्याद साउन १० गतेसम्म थप गरिएको असार २२ गते बताइएको छ ।
यस अघि सो म्याद असार मसान्तसम्मका लागि तोकिएको थियो । वर्षाको मौसम र सकेसम्म दुर्गम जिल्लाहरूबाट पनि प्रतियोगितामा व्यापक सहभागिता होस् भन्ने उद्देश्य राखिएको हुँदा दुर्गमस्थानमा इमेलको सुविधा नहुने र हुलाकमा नै निर्भर गर्नु पर्ने भएको कारणले गर्दा त्यो वस्तुगत स्थितिलाई ध्यानमा राख्दै म्याद थप गरिएको आयोजक समितिका संयोजक एवं अन्तरङ्गका सम्पादक/प्रकाशक नवराज पहाडीले बताउनु भएको छ । उहाँका अनुसार प्रतियोगिताका लागि प्राप्त भइसकेका र बाटोमा आउँदै गरेका मुक्तकहरूका स्रष्टाहरूले पुनः पठाउनु पर्ने छैन ।
जेठ २१ गते, २०६८
हाम्रो साहित्यिक आकाशबाट फेरि एउटा नक्षत्र झरेको छ, कहिल्यै नउदाउने गरी । कथाकार तथा साहित्यकार स्व. देवकुमारी थापाको पाषाण शरीर माटोमा बिलिन भए पनि वहाँका कृतिहरू नेपाली साहित्यकाशमा अजर, अमर छन् । 
साहित्यका बहुविधामा कलम चलाए पनि आत्ममूल्यांकन गर्नुपर्दा म आफूलाई कविता, लघुकथा, र बाल-कविताको विधाको लेखक मान्नु उचित ठान्छु ।