विविध-विधा

क्या गजबको अम्मलले बानी बिगार्यो
पिरतीको तल्तलले बानी बिगार्यो

अब त सुध्रिन्छु कि भन्ने लाग्या थ्यो
सोल्टिनीको मिस्कलले बानी बिगार्यो

कलेज बङ्क गरी-गरी वनपाखा डुल्दै
ऐँसेलु र काफलले बानी बिगार्यो

हामी बिचको सम्बन्ध यो जनम जनम रहिरहोस्
नमुना यो यस्तो होस् जो अनुपम रहिरहोस्

एकताको रंग घोली खेलौ होली सद्भभावको
संम्झनाका तरेलीमा रमझम रहिरहोस्

ठग्ने क्रममा ईश्वरलाई पनि ठगेका छन्
पुग्ने क्रममा चार धाम पनि पुगेका छन्
हरिश्चन्द्रहरूकै लास कुल्चेर नव हरिश्चन्द्रहरू
जिन्दगीमा सफलताको सगरमाथा चढेका छन् ।

फेरि पनि नेपालीले नेपालीलाई मार्न नपरे हुन्थ्यो
सन्तानको लासमा आमाले आँसु झार्न नपरे हुन्थ्यो
शताव्दीयौं हारेर हजारौं सपुत गुमाई सकिन् आमाले
बल्ल तल्ल जितेको बाजी फेरि हार्न नपरे हुन्थ्यो ।

निरपराध अरुलाई दण्ड गर्छन कोही-कोही
आफैं मात्र जाति रे- घमण्ड गर्छन कोही-कोही
वचनको चुलेसीले घाइते मुटु रेटी-रेटी
यौटै हृदयलाई खण्ड-खण्ड गर्छन कोही-कोही

जीवनमा सबैभन्दा नजर दोषी हो कि
बगिरहने अँश्रुधारा सप्तकोशी हो कि

सेरोफेरो, अघि-पछि जिन्दगीमा जे भोगे नि
मेरो माया उनीलाई पीडा दिने सूल भो कि

तिम्रो दिलको कुना कुना पस्ने अनुमति दिन्नौ के?
यो अधरले त्यो अधर डस्ने अनुमति दिन्नौ के?

यसै त राम्री तिमी, भिजेर आइ छौ वार्सातमा
वर्षात बनी तिमी माथि खस्ने अनुमति दिन्नौ के?

भन्छन नेपालको कानून दैव जानून
भनसुनले हैन दक्ष क्ष्यमताले छानून
जसको शक्ति उसैको भक्ती हुन्छ सधै
सबैलाई एउटै नियम कानूनमा बाधुन ।।१।।

कतिपय कुरा यस्ता हुन्छन कहनु पर्दैन
एउटा कुरा बोकी नदी झै बहनु पर्दैन
अनावश्यक हुन्छन भने त्यसको बोझ
कोही कसैले जिन्दगीमा सहनु पर्दैन ।।२।।

आखिर मेरो केही लागेन, बगाए नि आँशुका धाराहरू
एकोहोरो हट गरिरह्यौ, नछोडी आफ्नै पाराहरू

अन्न पानीकै शरीर मेरो, सम्झाउँदा सम्झाउँदा थाक्न सक्छु,
उडाई गयौ हाँसोमा किन ? मारेर आँखामा छाराहरू

मनोमानी

तिम्रै चल्यो मनोमानी
रहदैन जिन्दगानी
बुझ मित्र सबै कुरा
नढाँट भो जानाजानी

आकाशमा बादल

आकाशमा बादलु छ
नयनमा काजलु छ
बुझ प्यारी मनकुरा
मन साह्रै दयालु छ

रुख बाहेक हाम्लाई देख्ने तारा अनि जुन थियो
अरु हुदा नबज्ने त्यो संगीतको धुन थियो

बादल लाग्दा छाया पर्थ्यो त्यही छायामा छेल्लिएर
पर्तेकले पर्तेकलाई अलग अलग छुन थियो

झरनाको पानी बाहिर छंग छंग गरि बजे पनि
गड-गडाएर बग्ने केवल नसा भित्र खुन थियो

रसिला ती मोती दाना जुन ताराले बर्षाउदा
खान्न खान्न भन्दै खाने त्यही राम्रो गुन थियो

जे -जे आउछ आउदै गरोस जाने जादै गर्छ
मलाई, उनि मेरी म उनको त्यती मात्र हुन् थियो

आट थियो जात थियो भरोसा र साथ थियो
आजपनि बहकिन्छ मन अनि साथी सोध्छन कुन थियो

स्वतन्त्रता के हो हजुर आफै सोचेर हेर्नुहोस
एउटा सुगास्वतन्त्रता के हो हजुर आफै सोचेर हेर्नुहोस
एउटा सुगा पिंजडामा छ छोडेर हेर्नुहोस !!

ब्यर्थै किन सोध्नुहुन्छ परिभाषा जिन्दगीको
भोगाइ नै जिन्दगी हो लौ भोगेर हेर्नुहोस!! पिंजडामा छ छोडेर हेर्नुहोस !!

बेकार कुरा गरिन्छ, अड्कल गरेर
फलाम बरु खरिन्छ, अड्कल गरेर

प्रमाण जुटाई बिन्ती गरिरेछ रामे
र पनि आँखा तरिन्छ, अड्कल गरेर

पलाउन गएको थेँ फाटेर पो आएँ हजुर
किन बस्नु रोई, डाँडै काटेर पो आएँ हजुर

उताभन्दा यतै मिठा रहर फुल्न थालेका छन
औठी चिनो ख्याल ख्यालै साटेर पो आएँ हजुर

शरद नै चाहिदैन मनको फुल फक्रिनलाई
घिउसँगै मनको लड्डु बाटेर पो आएँ हजुर

मैले माया लाएकै हो किन चाहियो दशी हजुर
आधार प्रमाण नखोज्नु यिनी मेरो प्रियसी हजुर ।।

छलकपट धोका पीडा छैन हाम्रो मन भित्र
चोखो माया गर्छौ हामी किन लाउनु कसी हजुर ।।

तिम्रो अहंकारलाई थिचेर जादैछु
तिमी भित्रको बेथिति मिचेर जादैछु

जे पर्ला आओस युग सताउन मलाई
उसको दासत्व उसैमा पिचेर जादैछु

जालिम रहेछौ तिमी नपाउञ्जेल फकायौ
कस्तो स्वार्थी रहेछौ पाएपछि अघायौ

कस्तो चाल रै छ त भएन मलाई पत्तो
होश वा वेहोशीमा कसरी हो खै अटायौ

समुन्द्र पार तरेर गयौ छुटायौ सम्बन्ध
माया र प्रेम छरेर गयौ फुटायौ सम्बन्ध

ह्रदयमा पस्यौ तनमा खेल्यौ सजियौ आखामा
यौवन मेरो चोरेर गयौ चुटायौ सम्बन्ध

आकासमाथी उड्नेछु भन्थेउ उतै पो बसेछौ
छोडेर साना लाला र बाला टुटायौ सम्बन्ध

दौतरी तिम्रा छिमेकी साथी बिर्सेका कहाँ छन
सबैलाई आफै बिर्सेर उतै जुटायौ सम्बन्ध

सृष्टिको खेल दैबको लिला कुन खेल रच्या हुन्
त्यही खेलमा तिमी परेछौ प्यारा लुटायौ सम्बन्ध

सबै भन्छन तिम्रो बारे अचेल जाहा बस्छौ साथी
यता आउने भन्दै हिड्यो बीचमा अन्तै पस्छौ साथी

बहाना त ठिकै गर्छौ कला भको मान्छे तिमी
ओहोर दोहोर हेर्दा लाग्छ अब छिट्टै फस्छौ साथी

विश्वास तोड्यौ भित्र बाहिर देख्दा उस्तै नै छ
आट कित छोड अब नपत्याए खस्छौ साथी

नियतिले लुकामारी खेल्दै छल्दा खेरि
दुनियाँमा एक्लै भएँ तिमी ढल्दा खेरि

मलामीको ठूलो भीद्मा बेहोसिंदै रोएँ
तिम्रो देह अग्नि ज्वालासँगै जल्दा खेरि