विविध-विधा

मुखले मात्र नारी पुरुष बराबर भन्ने गर्छन्
महिला अघि बढ्दा पुरुष तगारो बन्ने गर्छन्

आफ्नो हैकम लाद्न खोज्छन् पुरुषहरू सधै
जीवनभर श्रीमतीलाई घरकी दासी ठान्ने गर्छन्

बिभेद खप्न बाध्य छन् गाउँघरतिर दिदी बहिनी
आफ्नो हक खोज्दा उल्टै खुट्टा मात्र तान्ने गर्छन्

बन्द हड्ताल नेतालाई रहर बन्दै छ
आफनो देश आफैंलाई जहर बन्दै छ

हाँसी खुसी सुःख् शान्तिका दिन टाढा गए,
वाध्यतामै बाँच्छ मान्छे नि कहर बन्दै छ

दर्शनपूर्ण सोचाई पृथक अनि खास हुन्छ
अन्तरमनको शक्तिले समय पनि दास हुन्छ

पौरखी सधैँ तत्पर पौरख गर्न जहाँ पनि
चट्टान फोडी उसमा मूल भेट्ने आस हुन्छ

सत्य सत्य धरो धर्म ढाँट्या छैन मैले
तिमी बाहेक अरुलाई आँट्या छैन मैले

मनन् गर आफ्नै बोली, तिक्तता भेट्नेछौ
छामी हेर तिम्रो आँचल, रिक्तता भेट्नेछौ

बन्द राख्छौ आँखा तिमी, शत्रु मात्रै देख्छौ
मन्को आँखा खोली हेर मित्रता भेट्नेछौ

।।१।।
माया नै मोह
यस्तै रीत संसार
यौवन तृष्णा ।
 
।।२।।
उद्धेश्यहीन
हार माथीको जीत
अन्धो सपना ।

माया गर्छु भन्नेले नै घात गर्न थाल्यो
अचानक मुटु आज गाँठो पर्न थाल्यो

देवी ठान्थें उसैलाई मन् मन्दिरमा राख्थेँ
पिलाउँला अमृत् भन्थे विष छर्न थाल्यो

आफन्तहरू सँगको नाता, लाग्छ सबै तोडिदिऊँ
जानी जानी जिन्दगीको बाटो, लाग्छ आँफै मोडिदिऊँ

किन भाग्छ्यौ टाढा टाढा जति माया गरे पनि
कमी हुन्न माया मेरो बरु मर्छु मरे पनि

सहिदको बलिदानको उपहास नहोस्
आन्दोलनको उपलब्धि जुवातास नहोस्

गरिब-धनी बीचको खाडल गहिरिंदै छ अझै
समानताको नारा केबल बकबास नहोस्

थामिएनन् असहायका आंखाबाट बग्न आंसु
बिपन्नलाइ भोको नाङ्गो आभास नहोस्

आधुनिकताको नाउँमा भित्रिंदैछ छाडापन
आफ्नै रीति संस्कृतिको बिनास नहोस्

जनताको अभिभावक बन्नु पर्छ सरकार
केहि गर्न नसक्ने जिउँदो लास नहोस्

रित्तो छ हात रित्तो छ साथ के दिउँ भन त
नसक्दा दिन लाजले मैले के लिउँ भन त

तिम्ले सोध्यौ कस्तो यो जिन्दगी?
मैले भने सस्तो यो जिन्दगी

प्रश्न उस्तै जवाफ उस्तै दिएँ
सोचेँ हाम्रो जस्तो यो जिन्दगी

जिन्दगीको कोलाहाल् मेलामा छु
लुछाचुँडी गर्नेको भेलामा छु

माया प्रेम लाग्छ यी त सप्ना हुन
पराई के आफ्नैको हेलामा छु

शंका नर्गनु छैन मेरो नेता खराब ।
भन्नेलाई भन्न दिनु हाम्रो भेट खराब ।

कुनै पनि कुरा गहिरिएर बुझ्नु भन्छु
अनि भनेहुन्छ धुर्त रहेछौ चेत खराब ।

नर्गनु चियो चर्चो कहिले कसैको
अरूको गोप्य खोल्ने हुन्छ भेद खराब ।