मर्नुसम्म मरिसक्यो, अब मर्ने छैन
पर्नुसम्म परिसक्यो, अब पर्ने छैन
अभाव र बेदनामा, पिल्सिएर आँशु
झर्नुसम्म झरिसक्यो, अब झर्ने छैन
वारी पारी जता ततै, हण्डर र चोट
छर्नुसम्म छरिसक्यो, अब छर्ने छैन
प्रकृतिले ठग्ने कहिले, दैव पनि ठग्ने
गर्नुसम्म गरिसक्यो, अब गर्ने छैन
मनभित्र दुख, दर्द, पीडा, कष्ट आदि
भर्नुसम्म भरिसक्यो, अब भर्ने छैन
Copyright @कोमल भट्ट,
रोचेस्टर, न्युयोर्क
1st November, 2012