राष्ट्रिय कविता

लालित्यको रंग छर्छ हाम्रो प्यारो धौलागिरी
कोशी टप्पु सुनाउँछ चराहरूको चिरिबिरी !

सजाउँछे-सरुमै रानी, तस्वीर हाम्रो देशको
चुरे पर्वतमाला अनि सीमसार मधेसको !

सुनाखरी फुल्ने पाखो, सुनै फल्ने फाँट हाम्रो
विर्सेर टाढा भयौं भने रहँदैन ठाँट हाम्रो !

नेपाल विश्वकै सुन्दर अनि शान्त हाम्रो देश
विविधतामा पनि एकरुपता ल्याउन सफल छौं
देश, परदेश जता जाऊ जे गर बन्देज छैन
तर यो सोच, सबभन्दा पहिले हामी नेपाली हौं

अत्यन्त राम्रो स्वदेश हाम्रो, हिमालको श्रीपेच लाएको
हरियो वन शान्तिको धन, धन्य यहाँ यो जन्म पाएको

हिमाल आरोहण तिमीले गर्नै पर्छ
त्यो जति सुकै उचाईमा भए पनि
जीवन संघर्ष तिमीले गर्नै पर्छ
चुनौतीका शृंखला क्रमबद्धै भए पनि

नडराऊ तिमी, देखाऊ अदीयतता
आखिर बीर योद्धाका हौ सन्तान
विश्व चकित पार, देखाऊ निडरता
लड्नकै लागि जन्मिएको भन्ठान

उत्तरतिर चाँदी झैँ सेता हिमालहरू,
लहरै हाँसेर बसेको सुन्दर शृंखला ।
विश्वको सबभन्दा अग्लो चुचुरो,
सगरमाथाको देश, हाम्रो नेपाल ।

अहिंसा प्रेमी शान्तिका दूत,
गौतम बुद्धको जन्मभूमि ।
संसारभर गर्वका साथ भन्ने गरौं,
बुद्ध जन्मेको पवित्र लुम्बिनी, हाम्रो नेपाल ।

शरदको भाइटीकामा आउछु भन्थ्यौ,
निम्ताको पत्र लेखे तिमीलाई
मुक्तिको खातिर लड्छु भन्थ्यौ,
शहिदको लस्करमा देखे तिमीलाई ।

भाइटीका मेरो उज्यालो नै होस्,
आँशुको मुलमा भेटे तिमीलाई
क्रान्तिले बीरता चुमेछौ माइती!
राष्ट्रकै तुलमा देखे तिमीलाई ।

अब फेरि त्यस्तो एउटा सपुत यहाँ जन्मिदेऊ
देशलाई बन्धक बनाउनेलाई समाई समाई रेटिदेऊ

अशान्त भो देश अनि राजनीति नि धेर भयो
उथल् पुथल गरी यहाँ शान्ति ल्याउन बेर भयो

पूर्व पश्चिम फर्कनेलाई जुटाउन कोही आऊ
देश बिगार्न एक हुनेलाई फुटाउन कोही आऊ

जुटाउन एकताको क्रान्तिकारी हात बनाऊ
हटी हैन डटी लड्न सब नेपाली एक बनाऊ

छोप्यो परेली धमिलो धुवाले,
सुने चित्कार यी मेरा कानले
भौतारिरहे यताउति तर भेटिन कसैलाई
सन्नाटा छायो यो मेरो मनभित्र
बाहिर थिएन कोही, न कुनै शत्रु न कुनै मित्र

नेपाल आमा हर दिन आसुँ झार्दै रुन्छिन
आफ्ना प्यारा सन्तानहरूको चर्तिकला देखेर
भन्ने आँट पनि गर्दिनन, यस्तो गर्नु हुन्न भनेर
किनकि आफूले जन्माएको सन्तानलाई
यति माया गर्नु हुन्छ, जसको बयान गर्ने शब्द नै छैन

देश बनाउने हामी युवा
विदेशतिर लागेपछि,
केको बन्थ्यो नयाँ नेपाल
देशै छाडी भागेपछि !

जाग जाग हे युवा हो
नेपाल आमाको आशीर्वाद छ
यो देशमा परिवर्तन ल्याउने कोसिस गर
हाम्रो शुभकामना छ

हे प्राणदायिनी ! ममतामयी हे नेपाल आमा,
झन्डा हाम्रो फर-फर पार्छौं रक्त सीमा सीमामा !

आमा ! तिमी स्वतन्त्र, शान्त, हिमशैल सुशोभित
कलकल सरिता लेक र बेसी, मधेश पियुष सिंचित !

प्यारो सहिदको नासो नेपाल प्यारो, लोकतन्त्र प्यारो
हाम्रै मेची र काली प्यारो, हाम्रै लालीगुराँस प्यारो !

शहिदको सम्झना गरी
१ मिनेट मौन बसेको के अर्थ
देशको निम्ति मर्यो भनी
दुई थोपा आसुँ खसेको के अर्थ

युद्ध गर्न जाँदा खेरी
भाग्दा गोली पसेको के अर्थ
देशको निम्ति मर्यो भनी
दुई थोपा आसुँ खसेको के अर्थ

ए देशभक्त नागरिक
आँखा खोलेर बस्नु ।
“अन्तरिम संबिधान”,
अन्तरिम सरकारले
अनेकौ पटक संबिधान संशोधन गर्दै,
हामी जनतालाई झुक्याई रहेको छ ।

ए राष्ट्रप्रेमी नागरिक
सचेत भएर बस्नु ।
तीन चार जना नेताको निर्णयले,
राष्ट्र असफल हुदै गएको छ ।
के ? यो नै जनताको आकांक्षा हो ?
जनताको नाममा कलंक,
के ? यहि कलंक पाउनलाई
हामीले चुनेर पठाएका हौ ?

वारी गाउँदेखि पारी हिमाल हाँस्ने
बिचैमा त्रिबेणी,
माथि है पाखा मृगले नाच्ने
गीत गाउनी सेर्पेनी !