विविध-विधा

संकार मै यहाँको खराबी देखियो
यो गाउँमा एउटा सराबी देखियो

जुन दियो रे उसले घाम दियो रे
रूप सॅग सुहाउने नाम दियो रे

फुरूक्क हुदै म छेउ आएर भनिन्
स्वर्ग मै बसे जस्तो आराम दियो रे

रातको कुरा गर्न चै थोरै लजाईन्
सम्झनामा बल्झिदिने साम दियो रे

के गर्यो के गर्यो कस्तो कस्तो बनायो
टोलाएरै बस्नुपर्ने काम दियो रे

तिमीले छोडदा आशुले परेली भिजाएथे,
ननिदाएरै रातहरु अनिदो-अनिदो कटाएथे,
भो सुनाउदिन ती बिरहका दिनहरु,
हासो सबै-सबै सुली चढाएथे,

ढोके हुँ म बार्ह घण्टा गेटमा बस्नु पर्छ
लुकी लुकी आँखा छली नेटमा बस्नु पर्छ

समाई गयौ पराईको हात कालि॥
रोजेउ तिम्ले सम्पतिको खात कालि॥

मन मुटु सबै दिएकै थिए
माया गर्छु भन्दा गरेऊ घात कालि॥

तिम्ले मलाई साथ दिएको भए
माग्न आउथे नि बासगँ हात कालि॥

के गर्न सक्छु मैले तिमिलाई
जति गरेनि मानेनौ मेरो बात कालि॥

जब

जब गर्छ दोष कहलाउँ छ दोषी
पुर्याउँदैन होश बन्छ विहोशी
कर्म गर्नु कर्तव्य हो कर्म छाड्न हुन्न
नम्रताको बाटो छोड्दा बन्न जान्छ जोशी

१
हजारौं सपनाहरु पस्केर
एउटा स्वार्थीको स्वार्थ डगार्ने
मीठो परिकार हो भाषण|

२
भूत र वर्तमानको पृष्ठभूमिमा
छायांकन गरेर भविष्य देखाउने
बाइस्कोप हो भाषण|

३
मनमा लडडु फुटाउने
तर, यथार्तमा भूस चटाई रहने
मायाजाल हो भाषण|

४
एउटा क्रूर शासनको अन्त्य गरेर
अर्को घुमाउने आसन बनाउने
कुसल कारीगरी हो भाषण|

५
सधै एउटै कुरा फलाकेर
गरिबीको पिशाच हटाउन नसक्ने
झाँक्रीको जोखाना हो भाषण|

पर्दाखेरी आफूलाई बोल्ने मन्छे कोही छैन
फुकाएर ब्यथाहरू खोल्ने मान्छे कोही छैन ।

गर्न सक्ने जे पनि त्यस्तो कुनै बर्दान पाको
दु:ख सुख एकै ठाउँ घोल्ने मान्छे कोही छैन ।

नाङ्गिएको मात्र देख्यौ छोप्ने कुरा लेख्यौ खै त ?
उजाडेको मात्र देख्यौ रोप्ने कुरा लेख्यौ खै त ?

ध्वंस पछि निर्माणहरु अधुरो हुँदा खेरी
बिग्रिएको मात्र देख्यौ कोप्ने कुरा लेख्यौ खै त ?

समयको बहाव सँगै आकृति मिल्दै जाँदा
मेटिएको मात्र देख्यौ खोप्ने कुरा लेख्यौ खै त ?

चाहनाले पोतिएको जिन्दगीको रङ्गहरु
नमिलेको मात्र देख्यौ चोप्ने कुरा लेख्यौ खै त ?

चाँगे-५, नेसुम, ताप्लेजुङ
हाल: धरान

थोरै मात्र पिएको थे येत्रो बजार हल्ला भयो
फाटेको मन सिएको थे येत्रो बजार हल्ला भयो

कत्ति मर्दै जिउनु भनि जिउदै मर्ने कोसिस गरे
पासो हातमै लिएको थे येत्रो बजार हल्ला भयो

अनुहार मै दाग बोकी मेरै ऐना संग रिसाएर
अलिअलि जिएको थे येत्रो बजार हल्ला भयो

पिर बोक्ने दिल संग गुनासो त्यो पोख्न्न भनि
थोरै मात्र पिएको थे येत्रो बजार हल्ला भयो

संसारमा यदि ठूलो धर्म छ भने, मानवताको धर्म हो
अरु त केवल जीवन पारलाउने, बन्धन र कश्ती हो

काटेर हेर सबै प्राणिको देह, रातो रगतनै बग्दछ
प्रेमले जित्नुसके हिंस्रकजन्तु पनि, हितैषी बन्दछ

जिन्दगीभित्र गुम्सेका धेरै, वेदना बाँकी छन्
कोसँग भनौँ दुखेका सयौँ, घटना बाँकी छन्

सताउँछन् साह्रै घोचेर छाती, पुराना यादले
समुद्री छाल बनेर आउने, तर्कना बाँकी छन्

एक

कस्तो शनि सङ्कटाको मूलमा परे छ यो जिन्दगी
हिँडदा हिँडदै गन्तव्य हराएको यात्री बने छ यो जिन्दगी
आफूलाईभन्दा अत्याधिक विश्वास गरें उनलाई
आफन्तैबाट जोगिनु पर्ने त्रासदिरहेछ यो जिन्दगी ।

खोजी

खोज्दै छु कहाँ छौ, हरायौ कि कतै,
अर्कै कुनै संसार मन, परायौ कि कतै ।
लाग्छ सधैं भेटिरहुँ, मनको मझेरीमा
भाग्छौ किन गोरेटोमै, डरायौ कि कतै ।।१।।

तिमीबिना यहाँ हाँस्न सकिन ।
पराईसँग नाता गाँस्न सकिन ।

तिमीबाट धेरै टाढा छु यहाँ
तिमीबिना एक्लै बाँच्न सकिन।

समनता

समनताको नारा हेर यहाँ सबले लाउँछन्
दर्शनलाई लत्त्याउँदै ती स्वार्थतिर धाउँछन्
सजिलो छ परिभाषा व्यवहारिकता कठीन
स्वार्थीपनमा रम्नेसँग कसले केनै पाउँछन्

मायाँ कस्तो चिज हो यो जानिदेऊ तिमीले
मेरो बिन्ती एक फेर मानिदेऊ तिमीले