विविध-विधा

अरुलाई नै बढी उस्ले मन गरेको
त्यसैले हेम्खेम अब बन गरेको

औधी बद्लीएछिन ऊ त! अहिले
संगीहरूले पनि समर्थन गरेको

आकाश रोएपछि, तारा रोएपछि
म कसरी हाँस्नु? सारा रोएपछि

किन नझुकोस त हिमालको शिर
रुकुम रोल्पासँगै बारा रोएपछि

१)
दुध पाउने पसलमा, सराब छ यहाँ
बुद्धको देशमा सान्ति, धराप छ यहाँ
आफू अनुकुल हुदा,कानून सर्बप्रिय रे
नाता कृपाबादको, करकाप छ यहाँ

प्रेम र विश्वासको फूल फुलाऊ मान्छे
श्रद्धाले अलिकति शिर झुकाऊ मान्छे

एकले अर्कोलाई मार्न, पछार्न उद्धत छ
बरु हिम्मत तिम्रो छ भने बचाऊ मान्छे

मलाई त त्यो जुम्रेको माया छ
किनकी त्यसको टाउकोमा चायाँ छ

सायद त्यो भूत होकी किच्कीनी
पूर्वबाट घाम लाग्दा पूर्वै पट्टी छाया छ

स्वयम्बरका लागि मण्डवमा बसे
उसको अर्को पोइ उसकै बाँया छ

म त खप्पर फुटेको अभागि न हूँ
उसको लागि यो ज्यान सदा दाँया छ

यो त किच्किनी नै हो की क्याहो
म भूत बनि ‘चिन्तित’माया छ
– बागलुङ

सपनीमा तिम्रै याद आउन थाल्यो आजभोलि
ढुकढुकीले तिम्रै गीत गाउन थाल्यो आजभोलि
के भएको छ ? कुन्नि आज यो अनुरागीलाई
चन्चल मन तिमितिरै धाउन थाल्यो आजभोलि

म खन्छु मेरा रोल्पाका बारी, प्याराका लाश भेटिन्न भने
सजाउछु म मेरा सिउँदो, तिम्रो युद्धमा मेटिन्न भने

किन धर्म को दर्शन छाट्छौ, जातलाई अघि तेर्साएर
साक्क्षात् दर्शन गराइदिन्छु, त्यो मन्दिरमा छेकिन्न भने

मुर्खहरू ठीकै होलान, बुद्धिमानको के छ खबर ?
निर्धाहरू लड्दै होलान, बलवानको के छ खबर ?

फुट्ने होइन जुटाउने, कुरा गर्थे ब्याकुल माइला
जुट्यो या त झनै फुट्यो, राष्ट्रगानको के छ खबर ?

सुका मानु घिउ खाएँ, भन्नु हुन्थ्यो बाले
अठन्नीमा लुगा लाएँ, भन्नु हुन्थ्यो बाले

ईमान्दारी थिए धेरै, जाली फटाहाभन्दा
शान्तिसँग बाँच्न पाएँ, भन्नु हुन्थ्यो बाले

पूर्णिमाको जून पनि, हराँउदै छ अचेल
उसकै नाम लिई मुटु, कराँउदै छ अचेल
जसको लागि सबै त्यागे, उसैले नि घात गरी
दिलको डेरा अन्तै तिर, सराँउदै छ अचेल ।।

ध्रुब बिष्ट अतित
कार्यक्रम संचालक
रेडियो अमरगढी 97.4 मेगाहर्ज डडेल्धुरा

एकाबिहानै काग उड्दै काँ-काँ भन्छ यो शहरमा
कुकुर भुक्दै सबै दुषित खा-खा भन्छ यो शहरमा

भँगेराको हुल नाच्दै गिज्याए झैँ गरी हेर त उफ्फ!
पखेटा फट्फट्फट्याउँदै खुचिङ् फसिस् ला-ला भन्छ यो शहरमा

देश सप्रिने, आशै हरायो
रोज बन्दले, सासै हरायो

छैन सोच नै, नेताहरूमा
पाप धर्मको, त्रासै हरायो

बर्षाको झरी संगै रोप्दै होलान् गाउँघरमा
असारे भाकाहरु छोपदै होलान् गाउँघरमा
आफू भने परदेशमा गाउँकै याद आउँने
साथीभाई खेतबारी जोत्दै होलान् गाउँघरमा

आकासमा उडे पनि धर्तीमा झर्नु पर्छ
जत्ति लोभ गरे पनि एकदिन मर्नु पर्छ

मानव भै धर्तीमा जन्मेपछि हामी सबैले
गौतम बुद्धले झैं ज्ञानको ज्योति छर्नु पर्छ

धर्म कर्ममा ध्यान दिनु एकचित्त भै सधै
सेवा गरी दिनदु:खीको बैतर्णि तर्नु पर्छ

यो सडक तातेको छ र सदन तातेको छ
र निर्वाचन आयोगको त्यो भवन तातेको छ

तिम्रै मात्र याद आउछ किन ?अँधेरीमा
चुलो चौको गर्दैछौ कि गयौ पँधेरीमा
उथल पुथल मनका वह कति राख्नु साँची
मनका कुरा पोख्न मन लाग्यो मझेरीमा