विविध-विधा

मेरो धर्म मेरो कर्म मेरो पुण्ये आमा ।
तिमी हुँदै चारधाम किन चुन्ने आमा ।

महानता अर्को रुप त्यो देवी हौ तिमी
ममताको आँचल भित्र माया थुन्ने आमा ।

छोडेर कपाल गाजलु थोरै तुर्क्याएकी थियौ हेरिरहेँ
हिल चप्पल्मा जिन्स माथि सुर्क्याएकी थियौ हेरिरहेँ

हिउँको बर्षा (१)
यो मन कठ्याङ्ग्रियो
उन्को यादमा

साह्रै अनौठो (२)
चलन जिन्दगीको
समाप्त हुने

।।१।।
प्यासी नजर
सागरको मेटाई
सपना मात्र ।

।।२।।
निभ्यो दियो त्यो
सभ्यताको प्रतिक
जालो-ले छोपी ।

भ्रष्टलाई देश दुख्दैन
प्रष्टलाई खान पुग्दैन
अंध्यारामा हात थाप्ने
दुष्टको कर्तुत लुक्दैन ।

बारम्बार तिमीले यहाँ, भन्यौ सहमति,
कति वर्ष पुग्यो भनि, गन्यौ सहमति,
छेपारोको उखान भो हेर, पुरा हुने होइन
कुकुर बिरालाको झगडा ठान्यौ सहमति ?

चूडा निर्भीक

आफ्नो औकात जनाइहाल्यौ सबले चिने तिम्लाई
संसारभरि गनाइहाल्यौ सबले चिने तिम्लाई

देशको मुहार फेर्छु भन्दै सबलाई झुक्याएर
ठूलै महल बनाइहाल्यौ सबले चिने तिम्लाई

केवल तिमी
औला उठाइरहन्छौ
अरु नै माथि
के एउटा हातले
मात्र ताली बज्छ त ?

जल्छ मुटु पल पल, तिमी नदेख्दा
समिपैमा आउन तिम्रो, चाडो नलेख्दा ।।

धाँए धेरै बाटाहरु, गरे धेरै प्रार्थाना
दिन साथ सकिन, दशा यो नछेक्दा ।

पर्ख आमा एउटा म निकास लिई आउँछु
बुद्ध सीता शान्ति भन्दै बिकास लिई आउछु ।

आँङ ढाक्ने बस्त्र अनि तिम्रो ईज्जत लुट्न खोज्दा
कालो बादल च्याती भिन्नै, आकाश लिई आउँछु ।

पलाएको मुना पनि ओइलाएको पात बन्छ
बिहानीको किरण पनि नेटो काटी रात बन्छ ।।१।।

दुख बेथा भुलाउने बहानामा पिउदा पिउदै
जहर बनी नशा नशा फैलेपछि मात बन्छ ।।२।।

नखोज तिमीले असल भेट्दैनौ यहाँ
म जस्तो लाचार निर्बल भेट्दैनौ यहाँ

को दिन्छ जवाफ सबाल मात्र देख्छु म
सबैको आँखामा आहाल मात्र देख्छु म

किसानको छोरा ऊ थाकेन जोतेर हलो
उसैको घरमा अनिकाल मात्र देख्छु म

भावना छ लेख्दै जाँदा गजल भयो भन्छन्
आजभोलि यस्तै लेख्दा सफल भयो भन्छन्

फूल झैं छ मेरो आत्मा सुवास लियौ धेरै
पग्लिएछ ढुंगा कस्तो तरल भयो भन्छन्

किन गज़ल लेख्नु पर्यो सारिदिन्छु म त
सही नाम र ठेगानालाई मारिदिन्छु म त

थाहा नभे आफ्नै हुन्छ पाए ठिक्क पार्दै
गोहीका झैँ स्वार्थी आँसु झारिदिन्छु म त

यसो हेर्दा हलक्क बढेको हुनु पर्छ
दुई चार अक्षर पढेको हुनु पर्छ

धेरै पो गम्भीर प्रकृतिको रहेछ ऊ
उदेश्यको पहाड चढेको हुनु पर्छ

गुलाबको फूल लिई थमाएको याद गर
उकालोमा यिनै हात समाएको याद गर

एकै छिन साथ छुट्दा तड्पिएर रोई रोई
परेलीमा आँशुहरू जमाएको याद गर