चकमन्न अँधेरीको रात भए पुग्छ मलाई
चाहिंदैन माया तिम्रो साथ भए पुग्छ मलाई
फुलिराख्नु फूल भै जुनी-जुनीसम्म तिमी
कुहिएर झरिजाने पात भए पुग्छ मलाई
एकान्तमा एक्लै म टोलाएर बस्नुभन्दा
तिम्रो याद भुल्नलाई मात भए पुग्छ मलाई
जिन्दगीमा हाँसीखुसी तिमीबिना जीउनलाई
घृणासरि गरिएका बात भए पुग्छ मलाई
मेरो लागि अलिकति चोखोमाया दिन्नौ भने
माया हैन बिश्वासमा घात भए पुग्छ मलाई