मौसम–हावा आज किन, चुप देख्छु म?

मौसम–हावा आज किन, चुप देख्छु म?
चारतिर केवल तिम्रो, रुप देख्छु म ।

आकाश छोडी चन्द्रले, धरती झरेपछि,
धरतीको बेग्लै आज, स्वरुप देख्छु म ।

हिमाल हौ! बिहानीमा, तिमी मुस्काउँदा
तिम्रो दन्तहारमा चाँदी, खुप देख्छु म ।

कस्तुरी झैं बिना खोज्न, कति भौतारिन्छौ?
तिमीभित्रै नै सुगन्धित, सुप देख्छु म ।

सूर्यैलाई सबै पूजा, गर्छन् सोच्दथें म
यता तिम्रो तस्बिरअघि, धुप देख्छु म ।