जानी जानी कसैसँग

जानी जानी कसैसँग झुटो माया लाउँदिन म
तिम्रोजस्तो पत्थर मुटु अन्त कहीँ पाउँदिन म

यो मुटुमा झिर रोपी हत्या गर्यौ मेरै मनको
त्यसैले त बिर्सिदेऊ फर्किएर आउँदिन म

जहाँ जाऊ जसो गर, तर सधैं हाँस्दै बाँच
यो मनलाई फेरि मोडी बहरजस्तै दाउँदिन म

मैले चोखो माया दिँदा, आँसु मात्र दिए पछि
तिम्रो माया ओत बनाई, टुक्रा मुटु छाउँदिन म

विमला बुढाथोकी
मन्थली क्याम्पस,
मन्थली, रामेछाप