विविध-विधा

मुक्तक थुङ्गा एक
जो पनि क्रुध्द देखिन्छ आजभोलि
शान्ति अबरुध्द देखिन्छ आजभोलि
मानवता बिरुध्द धर्म लागेपछि
बुध्दहरूकै युद्ध देखिन्छ आजभोलि ।

थुङ्गा दुई
पूर्णिमाको जूनमा बयेली खेल्ने ताल हुँ म
चानेचुने नसम्झ कालको पनि महाकाल हुँ म
सुनामी हुदहुद वा निलोफ़र जे नाम दिन्छौ देऊ
मान्द्रो बेरिए झैं बेरिएर आउने छाल हुँ म ।

नहुने ती हल्लाहरू, चलेको छ आज
नियतिले मलाई नै, छलेको छ आज

गल्तीबिनाको यो, सजाय हो कस्तो
दुखेर मुटु मेरो, जलेको छ आज

सम्झिएकी छैनौ तिमीले त्यो पोहोरको होलीदेखि
भैगो आज सम्झिहालेँ म नि बिर्सिदिन्छु भोलिदेखि

बाहना गरी डर देखायौ हाम्रा बाउ यस्ता भनी
म पनि मर्दकै छोरो थिएँ डराउन्नथेँ गोलीदेखि

मलाई मेरो नेपाल र नेपाली नै प्यारो लाग्छ
तराईवासी, पहाडिया, हिमाली नै प्यारो लाग्छ

लप्पन छप्पन छैन कुनै मुस्कुराउँछन् स्वच्छतामा
बाँडेकाछन् सङ्लो माया, लेकाली नै प्यारो लाग्छ

सँगै व्योममा छन उता जून तारा
यता चाहिँ हाम्रो छुट्यो भाइचारा ।

म नेपाल यौटै भए हुन्छ भन्छु
तिमी भन्दछौ भिन्न पार्दैछु वारा ।

मन भन्दा धन भाको खोजी हिड्छेउ कत्ती
कुनै दु:ख कस्टमा सम्झिन्छेउ एहि साथी ।

धनको धनी नभएनी मनको धनी थिए
तिम्रा लागि ज्यान सुम्पे आँसु कत्ती पिए
कत्ति मिलि हिड्छ यी कमिलाका ताती
बुझ्ने गर एथार्थ एस्को पनि साथी।

सबको लागि पैसा होल मेरो लागि साथ ठूलो
बाचकसम खाथे कत्ती आखिर कता भुलो
पैसा पनि दुस्मन बन्छ बन तिमी जाती
छाती पोल्दा याद गर्नेछौ दु:खी यो साथी।

देव घिसिङ (दु:खी)
खनियाखर्क ०८ सिन्धुली

मेरो जून बादलुमा छोपिएर हरायो कि….!!
झुल्की आउँदा क्षितिजैमा रोकिएर हरायो कि..!!

यादको आँधी देखा पर्छ परेलीमा रुपा रारा
आज ऱारा गह भरी पोखिएर हरायो कि….!!

जानुछ दुनियाँ भुलाएर एकदिन
आफ्ना मान्छे रुवाएर एकदिन

सुनिन्छ तब चमत्कार हुनेछ
रातमा सूर्य उदाएर एकदिन

नदी

नदी बग्छ सललल समुद्रमा पुग्छ
चक्रवात भएर गै बादलुमा लुक्छ
सुधावर्षा भएर गै पृथ्वीलाई सिच्छ
कर्मी पार्छन् हराभरा अकर्मी त चुक्छ ।

सबैले छोडी एक्लै पर्दा, सम्झनेछौ मलाई
आँखाबाट आसु झर्दा, सम्झनेछौ मलाई

रमाउन दुई दिनलाई हो, खुशीहरू सारा
दैवले सबै थोक हर्दा, सम्झनेछौ मलाई

जन्मेदेखि आजसम्म घात मात्र दियौ जीवन
चारैतिर आन्धकारको, रात मात्र दियौ जीवन,

हाँसो खुशी बटुलेर जिउने आशा गर्दै थिए
पीडासँगै वेदनाको खात मात्र दियौ जीवन,

बौद्धिक्ताका ठेकेदारी बढेका छन् अचेल
कुरा काट्ने रोजगारी बढेका छन् अचेल

आफ्नैबाट उक्साईन्छन् धन धेरै जोड्न
प्रमाण हो, भ्रष्टचारी बढेका छन् अचेल

भड्काउँने पोशाकले मात्र कहाँ हो र?
घरैभित्र बलत्कारी बढेका छन् अचेल

गरिबको नाम लिंदा तिम्रा भुँडी फुल्छन्
कर्णालीमा भोकमारी बढेका छन् अचेल

साहित्यको कख लेख्दा धेरै माया पायो
‘घायल’को जिम्मेवारी बढेका छन् अचेल

गुप्तेश्वर-३, रामेछाप
हाल:अलऐन,युएई

सत्यको जित झुटको अवस्य हार हुन्छ
एक दिन अवस्य खुशीको वहार हुन्छ
मखमली नओएलाए ,विहान हुने छ
मनाएर दिपावली एक दिन तिहार हुन्छ

आँखामा आँखा जुधाएर हेर
मेरो गीतमा भाका मिलाएर हेर

धुजा धुजा भएको छ मन
मायाको डोरिले सिलाएर हेर

मुर्दा नि ब्युझन्थ्यो कि कतै
मायाको नशा पिलाएर हेर !

अनेकौ ति बहानाले मुटु लुट्ने धेरै हुन्छन
सोझालाई फसाउन जाल खुटने धेरै हुन्छन
कोमल मनका नारि तिमि हुनुपर्छ होसियार
भोलि तिम्रै विरोधमा यहा जुट्ने धेरै हुन्छन

आऊ है साथी कता छौ भेटौ मझेरीमा
शब्दप्यास जति छन् मेटौ मझेरीमा
न थकिन्छ देखेर नै न त लेखेर नै
अक्षरमा धुन सारंगीको रेटौँ मझेरीमा

रुवाएर एउटा मान्छे गयो टाढा टाढा,
मनमा चाहिं उसकै छायाँ भयो गाढा गाढा
मान्छे लाग्थ्यो फुल सधैं छोइरहूं जस्तो
आज उसकै याद मनमा बनिरह्यो काँडा ||

तिम्रो दिलको कुनामा लुक्ने धेरै हुन्छन
पर्खाईमा तिम्रो बाटो ढुक्ने धेरै हुन्छन

चलन पुरानै हो जुनतारा दिन्छु भनी
तिम्रोसामु घुडाँटेकि झुक्ने धेरै हुन्छन

जोश जाँगर हुनेको पहिचान हुन्छ
ताराहरू अस्ताएर जादा बिहान हुन्छ
हार्नेहरू हारेकै छन समय सग
मर्नुको औचित्यमा पक्कै चिहान हुन्छ

अघि बढुँ बाधाहरु लम्पसार हुन्छन्
पछी हटुँ दुख मात्रै उपहार हुन्छन् ।

उज्यालैमा हिंडे पनि देखिंदैनन् लक्ष्य
रातमा त अझ धेरै अन्धकार हुन्छन् ।

कस्को भर पर्नु अब संसार छ जाली
मान्छेभन्दा कुकुर बरु बफादार हुन्छन् ।