विविध-विधा

१)
मायाको एउटा गीत छ
सबैलाई प्यारो उहीँ प्रीत छ
जीवनको सहारा हो त्यो
हार होस् तर त्यसमै जीत छ

भो अब कोही मलाई प्यार नगर
दुख सुख आफै झेल्छु सुसार नगर ।।

प्रेमका नाममा धेरै कमाउन खोज्नेहरू,
कमाउनकै लागि यति हतार नगर ।।

दुःखी–लाई राम्रो होओस् भनि नै रहन्छु ।
मेरो पीडा दुःख सबै पिइ नै रहन्छु ।।

दैव अझै पनि झनै निर्दयी किन हो ?
यति बेला आफू अति झोक्रि नै रहन्छु ।

मेरा लागि आफू अब केही नि माग्दिन
आफू – भन्दा दुःखी लाई तारि नै रहन्छु ।

जब पर्‍यो दु:ख, आफ्नो भन्ने हात हराए ।
ललाई फकाई गर्ने, साथीका ती साथ हराए ।

जाने यो नियतिलाई, कस्तो खेल खेल्दो र छ
सुख हुँदा गरिदिने, मिठा मिठा बात हराए ।

भाइटीकामा
मन खिन्न भा’को छ,
सम्झेर भाइ !

इतिहास भो
भाइटीकाको क्षण
आफू प्रवासी ।

एक
थकित पीडित मनसँगै तिमी कतारमा छयौ होला
टुहुरो भाइ बिर्सेर मालिक रिझाउने हतारमा छयौ होला
नेपाली आफूलाई भाग्यमानी ठान्छन् साच्चै हो र दिदी
भाइभगिनी प्रेमोत्सबको दिन तिमी आँसुको तिहारमा छयौ होला ।

दुई
आशाको दियो बालेर भबिष्य चियाइरहेछु
पिउने पानी छैन आफ्नै पसिनाले नुहाइरहेछु
यो अमूल्य पसिना आफ्नै खेतबारीमा चुहाउनु पर्नेथ्यो
बिडम्बना मलेसियाको जङ्गलमा चुहाइरहेछु ।

सपनी मै देउसी भैलो बोलेँ जस्तो लाग्यो
बास्ना छैन तैपनि सेल पोलेँ जस्तो लाग्यो

मादलुको घिन्ताङसँगै छिंग छिंग पनि थियो
घुँगरुको होइन थैली, खोलेँ जस्तो लाग्यो ।

दीपावलीमा
मलाई जलाएर
खुशी मनाऊ

अम्लरी फ़ुङ्ग
फुलुन मनभरि
पिरती गाँस्दै

सबका घरमा बत्ती बलाउदै तिहार आयो
आँगनीमा मखमली फुलाउदै तिहार आयो

गैरी खेतमा असारमा रोपेको धान थियो
त्यही धानका बाला झुलाउदै तिहार आयो

खोला मातेर मेरो घर बगायो
हेर्दाहेर्दै सबै रहर बगायो

अब राजधानी राजधानी रहेन
आफ्नै रगतले यो सहर बगायो

ओभानो छैन थलो न्यानो के हुन्यो
बाढी उर्लेर आफ्नै पत्कर बगायो

घर बनाएको भत्काउन हैन
बन्दुक बनेको तर्साउन हैन

मन्त्री बनेर पजेरो चढेछौ
नेता चुनेको कमाउन हैन

खोजीरहेछु
हराएको सपना
मरूभूमीमा ।

कोरीरहेछु
अरबी बालुवामा
नेपाली नक्सा ।

पग्लिरहेछ
तातो मरूभूमीमा
सगरमाथा ।

हेरीरहेछु
मेरो बुढो घण्टाघर्
पातालबाट ।

हर्केको गाउँमा तिहारको खुसी आएन यसपाली
पोहर झैँ मनमा उमङ्ग हर्ष छाएन यसपाली

सुन्दर त्यो गाउँ छिनभरको भेलले बनायो बगर झैँ
डुबायो जमिन कसैले खेति लाएन यसपाली

वर्ष दिनमा घुम्दै फिर्दै आयौ फेरि दीपावली
चारैतिर हर्ष उल्लाश छायौ फेरि दीपावली,

ढकमक्क दीपहरूले सजिएर गाउँघरैमा
देउसी-भैलो आगनीमा गायौ फेरि दीपावली,

बिनायो बजाउदै, मर्चुङ्गा बजाउदै-बजाउदै,
कहाँ हिड्यौ ए सिम्मा ! त्यसै लजाउदै-लजाउदै

मेरै लागि मात्र पनि पर्ख भन्दिन म
खुशी तिम्रा अघि नै छन् भने फर्क भन्दिन म
चाहान्छेउ खुशी त पलपल माया गर
नत्र माया गर भनी तिमीलाई कर्त गर्दिन म

चोक चोकमा अनौठा अनौठ, दोकान भेटिन्छन्।
ओँठ ओँठमा अचेल किनिएका, मुस्कान भेटिन्छन्।।

को भन्छ नीति नियम कानुन, क्यै छैन यहाँ?
हात हातमा आफै लेखिएका, विधान भेटिन्छन्।।

तिम्रो आकाक्षा
विद्यमान परिवेश
नदीको माझ
***
फैलियो माया
फेसबूके पिरती
क्षण भरमै
***
याम मौसम
सायद उस्तै तेस्तै
कोपिला फूल

तिहार आयो
दिपावली मनाउ
लोडसेडिमा
असुरक्षा छ भन्छ
दोधार मनोकांक्षा

समय लाई
नियालेर हेर्दैछु
भिन्नता बिच ।
***
अचेत मन
उदासीनता बोकि
अलमलिदै ।
***
रहर फुल्छ
जवानी उर्लिएर
निकास खोज्दै ।