विविध-विधा

हरेश खाएर हुदैन
मन्दिर धाएर हुदैन

आफ्नो संस्कृति भुलेर
पश्चिमी गीत गाएर हुदैन

जितै जितले पुग्छ तिम्लाई, हार्नु किन पर्यो ?
धोका दियौ काफी भयो, मार्नु किन पर्यो ?

तिम्रो मेरो कति बिते, सँगै सँगै रातहरू !
सँगै बसी गर्थ्यौ हामी, मिठा मिठा बातहरू !!

आस्थाको दैलो खोली, स्वागत गरिसकेपछि !
भएका छन् आज फेरि, घात प्रतिघातहरू !!

चल्न थाल्यो हेर साथी, कहाँबाट आँधी हुरी !
झरेका छन् हेर साथी, बसन्त मै पातहरू !!

साह्रै गाह्रो हुने रै’छ, पिरतीको खेल
तर्नै गाह्रो हुने रै’छ, पिरतीको भेल।।१।।

तँ धन्य छस् लौ बाबु जागेर उठ
तँ धन्य छस् लौ बाबु लागेर उठ ।।१।।

जे गर्छस् साथ छ मेरो सदैव लौ
तँ धन्य छस् लौ बाबु तातेर उठ ।।२।।

लौ बाबु केही गर्छस्, उठेर आइज न ल
लौ बाबु केही गर्छस्, जुटेर आइज न ल।।१।।

पराईको सिन्दुर भरेर गयौ
सात समुन्द्र तरेर गयौ

ढकढक गर्थ्यौ यही मुटुभित्र
सदैव बसाइँ सरेर गयौ

तड्पाएर मनलाई दुई किनारामा छाड्दै ठुले
मुङ्ग्लान पस्यौ हामी दुईको, चोखो प्रेम मार्दै ठुले।

न गतिलो बास अनि छाक टार्ने गास छैन
भोक भोकै आदि पेटमा, बसे दुःख काट्दै ठुले ।

टुक्रा टुक्रा पार्ने भयौ नि यो देशलाई
सिमापारी सार्ने भयौ नि यो देशलाई
पहिचान को नाममा आफ्नैलाई लडायर
जातिय युद्धमा झार्ने भयौ नि यो देशलाई

उस्ले आफ्नो काम दोहोर्यायो
सुन्दै नसुनेको नाम दोहोर्यायो ।

पानीको घर बालुवाको ओछ्यान रे
मान्छे नबस्ने गाम दोहोर्यायो ।

राम्रै थ्यो मयलपोश त्यो भेष जल्यो किन आमा
ज्वाला कतै देखिदैन देश जल्यो किन आमा

गौरव गर्थें हिजोसम्म छोरो भन्न नेपालको त्यो
शिरको टोपीसँगै मेरो त्यो सान ढल्यो किन आमा

तिमी खेल्छौ जुवातास मेरो के लाग्छ र ?
भैइसक्यौ पाटीबास मेरो के लाग्छ र ?

तन्तनी तान्यौ चुरोट्, मुटु जल्दै गैइ
खरानीको भयो ह्रास मेरो के लाग्छ र ?

भ्रष्ट्र नेता हरुलाई हेर्दा हामीले
जनताका सामु ऊ भुकेकै छ ।

भाषणमा मात्रै काम बनाए
देश विकाश गर्न चुकेकै छ।

जती कर्म काण्ड मच्चाए पनि
हामी माझ कर्तुत लुकेकै छ।

आँफैले कानुन बनाए झन
तोड्न बन्देज फुकेकै छ ।

जती ठुला ठालु भएता पनि
जनता सामु शिर झुकेकै छ ।

सबै जाति मिलीजुली सँगै बस्ने शहर त्यो
टुक्राएर रमाउने कस्तो होला रहर त्यो

संबिधान देउ भन्दै माग्दै थिए जनताले
छाल जस्तै उर्लिदैथ्यो जनताको लहर त्यो

ईमान धर्म जोवनीलाई पैसासँग दाँज्दी रैछौ
जस्ले बढी दाम तिर्छ उसै सँग नाच्दी रैछौ ।

साँचो माया गर्नेको दिल, दुखाएर आज भोलि
गाँजा रक्सी पिउनेसँग, नाता आखिर गाँस्दी रैछौ ।

मनभित्र नै मरिसके मनका सबै रहरहरु
जताततै सुकिसके खुसीका नहरहरु

सफलताका सिंढीहरु भत्किन थालेपछि
भित्र भित्रै खुम्चिसके उमङ्गका लहरहरु

आफ्नै मनको चित्ता, जलाएर मुटु
फर्कँदैछु आज गलाएर मुटु ।

झोसेर दागबत्ती, उठाएर कफन
ताप्दैछु म आगो, डडाएर मुटु ।