मनभित्र नै मरिसके मनका सबै रहरहरु
जताततै सुकिसके खुसीका नहरहरु
सफलताका सिंढीहरु भत्किन थालेपछि
भित्र भित्रै खुम्चिसके उमङ्गका लहरहरु
उराठ लाग्छन् बस्तिहरु जहां यात्रा गरेपनि
न गाउँ रमाइलो छ न छन् राम्रा शहरहरु
उज्यालो भबिष्यको पर्खाइमा बस्दाबस्दै
दिन पनि लाग्न थाल्यो औंसी रातका प्रहरहरु
आफ्नो पनि पराइ बन्छन् स्वार्थि यो संसारमा
किन किन अमृत लुकाइ दिन खोज्छन् जहरहरु