लत्याएर हुदैन

हरेश खाएर हुदैन
मन्दिर धाएर हुदैन

आफ्नो संस्कृति भुलेर
पश्चिमी गीत गाएर हुदैन

आफ्नो पहिचान बनाउनु पर्छ
अर्काको भेष लाएर हुदैन

मादल र मुर्चुगा भुलेर
विदेशी धुन बजाएर हुदैन

पहिला कान छाम्नु पर्छ
कागलाई पछ्याएर हुदैन

आशक्ति छैन भने कसैमा
कुनै कुरामा लोभ्याएर हुदैन

एक्काईसौं शताब्दीमा पनि
पुरातन दाउने दाएर हुँदैन

कुरा बुझ्दै नबुझी ब्यर्थ
अरुलाई खोट देखाएर हुँदैन

घाँटी हेरी हाड निल्नु पर्छ
देखावटी छानो छाएर हुदैन

गजल लेख्ने गाउनेहरूले
‘भावना’ लाई लत्याएर हुदैन ।