विविध-विधा

सिसैसिसा जस्तो मुटु चर्किन्छ यो चर्किन दे
हिउको थुप्रो जस्तो मन पग्लिन्छ यो पग्लिन दे

फिक्री छैन जिन्दगीको कै’ले फुल्छ अनि झर्छ
समयको यौटा माग हो ढल्किन्छ यो ढल्किन दे

प्रदेश र राज्य हुँदा बिदेशीले मराउला
जात-जाति मात्रै भन्दा नेपाली नै हराउला

बेतलबी काम हाम्रो ढुङ्गा हान्ने मात्र भयो
केही काम नपाएर नेता छान्ने मात्र भयो ।

ढुक्दै बस्यौँ संबिधान कहिले पो लेख्ला भन्दै
भुत्रो लेख्नु संबिधान खुट्टा तान्ने मात्र भयो ।

कसैको चुल्हो जल्दैन किन ?
कसैको पानी चल्दैन किन ?

जनता झनै थिचिँदै छन
सामन्ती जरा ढल्दैन किन ?

मेरो मनको मझेरीमा तिमीलाई अब ठाम छैन,
मनैबाट निकाली दिएँ तिम्रो अब नाम छैन
आफ्नो सम्झी मुटु दिए, जलाई दियो पत्थर बनी,
तिमी जस्ती स्वार्थी, निर्दयी, मलाई अब काम छैन

घाइते व्यक्ति, एम्बुलेन्स र सडक देखेको थिएँ
जसको गल्ती उसकै तडक भडक देखेको थिएँ
निर्दोष त घाइते भयो बोल्नै सकेन
मर्छ कि त पल-पल उसलाई फरक देखेको थिएँ

शिशिरको घुम्टो खोली, खुलेकी छे ऊ
सोह्र बर्षे जवानीले, फुलेकी छे ऊ

समयै हो कस्तुरी झैं, बिना खोज्दा खोज्दै
मेचीदेखि कालीसम्म, डुलेकी छे ऊ

ऐना मात्र हेर्छौ रे हो?
लुगा मात्र फेर्छौ रे हो?

अरुका कुरै सुन्दैनौ ,
मेरा कुरा टेर्छौ रे हो?

सर्वस्व सुम्पी पराई हुनुको के अर्थ ?
पराई भैसकेपछि रुनुको के अर्थ ?

साँचो प्रेम एक बार हुन्छ जीवनमा
छुटेपछि सम्झौतामा ज्युनुको के अर्थ ?