लोकतान्त्रिक गणतन्त्र सन्देश फुकाएर

  • by


लोकतान्त्रिक गणतन्त्र सन्देश फुकाएर
किन यस्तो गर्छौ आज देश दुखाएर ।

जनजाति भाषाभाषी नारा लगाउनेले
टाइसुटमा आयौ आफ्ना भेष फुकाएर ।

चाहेजस्तो वातावरण ल्याइसकेपछि
सबै एक भई जुट्नु पर्थ्यो द्वेष लुकाएर ।

हिजो एउटा कुरा बोले आज अर्कै बोल्छन्
सहमतिको नारा रट्छन् शेष छुपाएर ।

सहिदको मूल्य आज यिनले नबुझेसी
कति दिन पर्खने र क्लेश चपाएर ।

– लन्डन, बेलायत

मधुपर्क २०६८ जेठ

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *