सबै कुरा बिर्सिएर

सबै कुरा बिर्सिएर, पिऊँ जस्तो लाग्यो आज
नशासङ्गै हराउँदै, जिऊँ जस्तो लाग्यो आज

“काग जति कराए नि, पिना सुक्न छोड्ने होइन”
त्यसैले त आफ्नो मुख, सिऊँ जस्तो लाग्यो आज

अनगिन्ती तड्पाइले बारम्बार दुख्ने मुटु
टुक्र्याएर अन्तै फ्याँकी दिऊँ जस्तो लाग्यो आज

भावनामा बहकिंदै, टोल्हाउन छोड्छु भन्दै
भित्रि मनले बाचा कसम, लिऊँ जस्तो लाग्यो आज

हेर्दा हेर्दै बिलाउने, छोटो हाम्रो जिन्दगानी
घाम लाग्नु अगाडिको, हिउँ जस्तो लाग्यो आज

कोमल भट्ट
पुरानो नैकाप, काठमाडौँ
हाल:-न्युयोर्क, अमेरिका
मार्च १२, २०१३