विविध-विधा

मायाको सिरानी आँखामा छ
तिम्रो त्यो निशानी आँखामा छ

गहिराई त्यो मायाको नाप्न
संवेदनाहिन् नानी आँखामा छ

प्रीतिका फूल
चुँडेर मान्छेहरू
सुगन्ध खोज्छन्

धर्म अधर्म
जप्ने गर्छ दुनिया
जिब्रोको स्वाद

अब बाँच्ने रहर छैन
पिउँ भने जहर छैन

संसार सारा तिम्रै रैछ
मेरो कुनै शहर छैन

बसन्तमा पलुवाहरू नमार है साँहिला
प्रीतिका फूलहरू अन्तै नसार है साँहिला

घुम्फिर गर्न गए पनि दिलबारीको बगैचामा
नफक्रन्दै कोपिलाहरू नझार है साँहिला

फसाउने चाल तिन्को मादक हुन सक्छ
सफलताको सिँढी चढ्न बाधक हुन सक्छ

होस गर है समयमै सचेत तिमी हुनु
नशालु ती नजरहरू घातक हुन सक्छ

(१)
बिना मियोमा
आज-भोलिका नेता
मनपरिले
देशमा भाँडभैलो
उनीहरूको जीत ।

नभेटे एकपल तिमीलाई त्यसै बैरागिन्छु म
कहिलेकाहीँ भीड भाडमा पनि एक्लिन्छु म

तिम्रो याद मेरो जिउने सहारा बनेर होला,
नभेटे सपनीमा त्यसै त्यसै कहालिन्छु म,

तिम्रो त्यो मुहार देख्न, अनि बोली सुन्न नपाए,
सम्हालिनै गारो हुन्छ अनि भौन्तारिन्छु म,

एउटा दाप ! दुई तरबार मिल्दैनन्
एकै साथ दुई ! जीत–हार मिल्दैनन्
जति सुकै प्रयास नै, गरौँ हामी तर
कहिल्यै नदीका दुई-धार मिल्दैनन्

संघर्षका पाइलाहरू चाल्न अझै बाँकी नै छ
निरङ्कुसको खम्बालाई ढाल्न अझै बाँकी नै छ

कुरा मात्रै गणतन्त्र भो काम हुन्छ पञ्चायती
पञ्चायती शासनलाई फाल्न अझै बाँकी नै छ

तिमी अत्ति सुन्दरी छौ विध्यानाश
ढाँटेको हैन धरोधर्म विध्यानाश ।

जताततै तिम्रौ चर्चा हरेक साँझ साँझ
उर्वशी,मेनुका,रम्भाहौ तिमी विध्यानाश ।

सुभाष छरि मोहित पार्छौ दुनियाँ माँझ
फक्रिएको गुलाफहौ तिमी विध्यानाश ।

हरेक युवा मरिमेट्छन तिम्रौ निम्ति आजा
अमृत दिने मुहानहौ तिमी विध्यानाश ।

सनम गोले
मकवानपुर हाल मलेशिया

फोटो मात्र किन र, यो जीवन नै दिए सानु ।
अन्जुलीभरिको त्यो माया, एकै घुड्की पिए सानु ।

हल्लैदेउ बिदाईका हातहरू, फेरि भेट्ने विश्वासमा,
तिमी आउने त्यही विश्वासले, जसो तसो जिए सानु ।

बनावटी आसहरूले, बेर्थेई दुख्यो मुटु मेरो,
फाटिसक्या यो मुटुलाइ, बेरबार गरि सिए सानु ।

पुछिदा सिउँदाको सिन्दुर फुट्दा हातका चुरा
अलच्छिनी रै’छे भनेर काट्छन् दुनियाले कुरा

मर्नेहरू मरेर जाँन्छन् मृत्‍युको बाजी जितेर
बाँच्नेका सारा खुशीहरु सधैं रहन्छन् अधूरा

यसपालीको तिजमा पनि माइतीघर आइन आमा
मनको दुख मनमै राखे पोख्न पनि पाइन आमा

आए होलान दिदी बहिनी नाचे होलान सबै जना
आफू भने भोकै सुते दर पनि खाइन आमा

घुमी घुमी किन आउँछ गरिबलाई चाड पनि
बेदनाले छाती पोल्यो गीत पनि गाइन आमा

(१) अदुवालाई हल्दी सोच्छौ भने
स्वाभिमानलाई चल्ती सोच्छौ भने
खै के कुरा गरौ अब म
मेरो प्रत्येक कुरा गल्ती सोच्छौ भने ।

साहराको हात माग्दा खुट्टा तान्ने धेरै भेटिए
फूल गुच्छा दिनेलाई ढुंगा हान्ने धेरै भेटिए

गुण दोष छुट्याउने रुप कुनै कडी होइन
सम्पतिको चाल्नाभित्र नाता छान्ने धेरै भेटिए　

हिजो र आज
अन्यौल जताततै
बिचरा मान्छे ।

फूल मुर्झायो
तातो मरुभूमिमा
सत्य लिमाम ।

नचाहेको कालो रात, फर्कनु आयो आज
कहिले न सुनेको कुरा, सन्नु पर्यो आज

मुटुभरि ब्याथा दियौ, आँखाभरि पानी
कहिले न खाएको चोट, सहनु पर्यो आज

१ . मिति नाघेको चिठी
हुलाकीको ढिलाई
संविधानसभा