यसपालीको तिजमा पनि माइतीघर आइन आमा
मनको दुख मनमै राखे पोख्न पनि पाइन आमा
आए होलान दिदी बहिनी नाचे होलान सबै जना
आफू भने भोकै सुते दर पनि खाइन आमा
घुमी घुमी किन आउँछ गरिबलाई चाड पनि
बेदनाले छाती पोल्यो गीत पनि गाइन आमा
बदलियो तीज पनि गाउने भन्दा लाउने तिर
बुच्चो कान छोपी हिंडे केही पनि लाइन आमा
रंगीचंगी थियो गाउँघर पार्टी थियो टोलटोलमा
दुख सम्झी घरै बसेँ कतै पनि धाइन आमा